Быйылгы сылга навигация кэмигэр уопсайа 1148,7 тыһ туонна таһаҕаһы тириэдэргэ сорудах туруоруллубута. Ол иһиттэн, билиҥҥитэ 1051 тыһ туоннаны тиэйдилэр (былаантан 91,5%), 997,1 тыһ туоннаны тиэртилэр (86,8%). Улахан болҕомто олоҕу-дьаһаҕы хааччыйыыга туттуллар таһаҕаһы тиэрдиигэ ууруллар: 591,4 тыһ туоннаны тиэйдилэр (былаантан 91,6%), 549,2 тыһ туоннаны тиэртилэр (85,1%). Хаһаайыстыбалаах субъектарга бородууксуйаларын оҥорон таһааралларыгар 459,6 тыһ туоннаны тиэйдилэр (90,7%), 447,9 тыһ туоннаны тиэртилэр (88,9%).
Оттук-уматык таһыытын боппуруоһа туспа көрүллэр. Былаан 509,2 тыһ туоннаҕа тэҥ, онтон 458,9 тыһ туоннаны тиэйдилэр (90,1%), 420,2 тыһ туоннаны тиэртилэр (82,5%). Арктикатааҕы навигациянан былаан кээмэйиттэн 326,4 тыһ туоннаттан 283,1 тыһ туоннаны тиэйдилэр (86,7%), 249,0 тыһ туоннаны тиэртилэр (76,3%). «2025 сыллааҕы навигация түмүктэнэн эрэр. Төһө да Индигииргэ уу таһыма намтаатар, көхтөөх үлэ көмөтүнэн таһаҕастары тиэртибит, оттон билигин бу тиэрдиллибит таһаҕастары сүөкүүбүт. Сөптөөх усулуобуйа турар түгэнигэр алтынньы ортотугар диэри таһаҕастары барытын толору тиэрдиэхпит», — диэн Дмитрий Садовников эттэ.
Хаартыска: Алексей Курило, Колымская правда
-
1
-
0
-
0
-
0
-
0
-
0
