2025 сылга «Туризм уонна ыалдьыттааһын индустрията» национальнай бырайыак чэрчитинэн, «Туризм инфраструктуратын сайыннарыы» эрэгийиэннээҕи бырайыагы олоххо киллэрии сүнньүнэн, туризм инфраструктуратын сайыннарыыга 30,3 мөл. солкуобай кээмэйдээх 53 урбаанньыкка өйөбүл оҥоһулунна.
Ил Дархан Айсен Николаев стратегическай ыйаахтарын чэрчитинэн туризмы сайыннарарга, олохтоох брендэбэй хампаанньалары өрө таһаарарга, олох-дьаһах өҥөтүн оҥорор кииннэри тэрийэргэ, эрэгийиэннээҕи уустар оҥорон таһаарыыларын сайыннарарга, үлэтэ суох дьону урбааҥҥа сыһыарарга уонна социальнай урбаан эйгэтигэр үлэлиир усулуобуйаны тэрийэргэ алта биэдэмистибэ бырайыага бигэргэнэн олоххо киирдилэр.
Быйылгы 2026 сыл сүрүн соруктарын билиһиннэрдэххэ, өрөспүүбүлүкэ биэс улууһугар олох-дьаһах өҥөтүн оҥорор кииннэр аһыллыахтаахтар. Тимиринэн уһанар 17 сыаҕы тутарга, сороҕун саҥардарга, тиэхиньиичэскэй өттүнэн хааччыйарга усулуобуйа оҥоһуллуоҕа. Туристар ахсааннарын 360 тыһыынча киһиэхэ диэри тиэрдэргэ кинилэр түһэр сирдэрин тэрийэргэ, нүөмэр пуондатын 3 300-кэ диэри улаатыннарыахтара.
Ааптар хаартыскаҕа түһэриитэ.
-
0
-
0
-
0
-
0
-
0
-
0
