Киис сыаната үрдүү турарын кулун тутардааҕы аукцион түмүгэ көрдөрдө. Ол курдук, бу аукцион саамай күндү, сыаналаах промысловай киис ТопЛотун Cтевен Холден диэн брокер биирдии тириини 4800 долларга ФУНАРИ (Арассыыйа) хампаанньаҕа анаан атыыласта.
Санатар буоллахха, 2025 сыл ахсынньытааҕы аукцион фермерскэй киис күндү Топ Лотун Джордж Гвида диэн брокер биирдии тириитин 1600 долларга Чонге (Кытай) хампаанньаҕа аанаан атыыласпыта.
«Союзпушнан АУо бары түүлээҕи атыылаһааччыларга уонна туттарааччыларга махталын тириэрдэр уонна аныгыскы норуоттар икки ардыларынааҕы түүлээх аукциона ыам ыйын 18 -21 күннэригэр ыытылларын туһунан биллэрэр.
ххх
Ааспыт сыл ахсынньытааҕы иһитиннэриинэн ясиа, Саха Сиригэр «Түүлээҕи соҕотуопкалыыр Киин» ХЭТ 2025 сылга уопсайа 13 270 түүлээх тириитин, ол иһигэр 11579 кииһи тутар былааннааҕа. Оттон 2024 сыл түмүгүнэн 10 526 киһи туппут. Бу Киин 2024 сылга Санкт Петербурдааҕы норуоттар икки ардыларынааҕы аукциоҥҥа 8693 кииһи туруорбутуттан 8505 тириитэ (98%) атыыламмыт.
Киис сыаната 2021-2022 сылларга биир тириитэ ортотунан 2500 солк сыаналаммыт эбит буоллаҕына, 2025 сылга быһа холоон 6000-7500 солк тиийбит.
Хаартыскалар: Союзпушнина
-
8
-
0
-
0
-
0
-
0
-
1
