Ол оннугар кыһыл көмүһү хостуур хампаанньалар ирээттэрэ элбээн биэрэн, бүддьүөккэ 48 млрд. солк. киллэрэн, дохуоппут 20% хааччыйдылар. Ньиэп-гаас салаата 26 млрд. солк. биэрэн, дохуот 11%, аан дойдуга таас чох сыаната кыра буолан, 5,6 млрд. солк. киллэрэн, олохтоох бүддьүөт дохуотун 2,3% хааччыйар. 110 млрд. солк. өрөспүүбүлүкэ бүддьүөтүгэр бырамыысыланнас киллэрэр.
Бүддьүөппүтүн нолуок толорор, ол нолуок бырамыысыланнай хампаанньалартан киирэр. Биллэн турар, өссө да элбэх үгүөрү үп-харчы киирэрин туһугар былаан оҥостон үлэлиибит. Бырабыыталыстыба таһымыгар анал оробуочай бөлөх үлэлиир. Хампаанньалар Саха Сиригэр регистрацияланалларын, социальнай эппиэтинэстээх буолалларын, үлэ миэстэтэ тахсарын туһугар кэпсэтии ыытыллар”, — диэн билиһиннэрдэ кини.
Улахан хампаанньаларга таһаҕас тиэйэр тиэхиньилээх кэтэх бэдирээччиттэр бааллар, олохтоох дьон улахан массыынаҕа үлэлииллэр, баахтанан эмиэ хамнастанан үлэлии-хамсыы сылдьаллар. Ити биир хайысхата.
Иккиһинэн, хампаанньалар өрөспүүбүлүкэ бырабыыталыстыбатын, улуус дьаһалталарын кытта социальнай эппиэтинэстээх буолууга сөбүлэһии түһэрсэн, улуус сайдыытыгар баҕа өттүнэн угар үптээхтэр. Ити пуун тустаах сокуоҥҥа киирэ сылдьар.
2021-2025 сс. диэри өрөспүүбүлүкэҕэ социальнай-экэнэмиичэскэй сайдыы хайысхатыгар 470 дуогабары түһэрсибиттэр. 2025 с. 94 илии баттаһыыта бэлиэтэммит. Кэнники түөрт сыл иһигэр сир баайын хостооччулар 27 млрд. солк. кэриҥэ үбү нолуогу таһынан сөбүлэҥ быһыытынан биэрбиттэр.
Хаартыска Мария Васильева, СИА.
-
0
-
0
-
0
-
0
-
0
-
0
