«Иллэрээ сыл 2024 с. «АЛРОСА»-ны туһунан сааҥсыйаҕа киллэрдилэр, ол эбэтэр алмааһы атыыласпат буолан, кэккэ күчүмэҕэйдэри көрүстэ. Бу хампаанньа бырыыһыттан нолуогу төлүүр. Мин санаабар, балаһыанньа куруук маннык буолуо суоҕа. 2026-2027 сс. харчы өттүгэр уустук соҕус сыллар буолуохтара, онтон экэниэмикэ чөлүгэр түһүө.
Ырыынак экэниэмикэтигэр киирбиппит 30 тахса сыл буолла. Ол иһин пуонда ырыынагар төһө сыана олохтоммутун көрөбүт, онно түһүү-тахсыы баар, онтон быһаччы тутулуктаах. Сарсыарда турбутун ньиэбин сыаната атын буолан хаалар.
СӨ Ил Түмэнэ сокуону оҥорор, Саха Сирин интэриэһин көмүскүүр уорган, сир баайын хостооччулары кытта айылҕаны харыстыырга Арассыыйаҕа инники күөҥҥэ сылдьар сокуоннардаахпыт. Экология кодексата диэн баар, этнологическай эспэртиисэ ыытыллар, итиэннэ сир баайын хостуурга эппиэтинэстээх сыһыан туһунан сокуон тутуһулларын туһугар үлэни-хамнаһы ыытабыт», — диэн санаатын үллэһиннэ Андрей Находкин.
Хаартыска СИА.
-
0
-
0
-
1
-
0
-
0
-
0
