Мунньахха СӨ Бырабыыталыстыбатын бастакы солбуйааччыта Дмитрий Садовников, тустаах министиэристибэ бэрэстэбиитэллэрэ, тырааныспар тэрилтэлэрин салайааччылара кытыннылар.
Ольга Рафаилова салгын, уу, суол, тимир суол тырааныспарын үлэтигэр тохтоон, суолу-ииһи оҥоруу, өрөмүөннээһин туһунан дакылааты оҥордо. Кини сүрүн сорукпут тырааныспар хааччаҕа суох үлэтин хааччыйыы, дьон айанныырыгар куттала суох уонна табыгастаах усулуобуйаны тэрийии, эрэгийиэн экэниэмикэтин сайыннарыы диэн бэлиэтээтэ.
Ил Дархан Айсен Николаев тырааныспары уонна энергетическэй инфраструктураны түргэнник сайыннарыы туһунан 2024 с. ылыныллыбыт стратегическай ыйааҕын олоххо киллэрэргэ үлэ ыытыллар. Тырааныспар салаатыгар сыһыаннаах стратегическай суолталаах ыйаах 8 сүрүн соругуттан алтата туолбут. Миниистири солбуйааччы этэринэн, нэһилиэнньэ авиация өҥөтүнэн туһаныыта, өрүс флотун саҥардыы кэккэ кыһалҕалаах боппуруос.
Билигин төһө даҕаны үп-харчы өттүгэр балаһыанньа уустугун, үбүлэнии ситэ оҥоһуллубатын үрдүнэн, өрөспүүбүлүкэҕэ тырааныспар салаата сайдан иһэр. Улахан инфраструктурнай бырайыак салҕанан, Дьокуускайга Өлүөнэ эбэни туоруур күргэ тутуллар, Жатайдааҕы устар аалы тутар собуоту тутар-таҥар үлэ түмүктэннэ, оптуобустары саҥардыы салҕанар. 2025 с. өрөспүүбүлүкэҕэ 33 148 тыһ. туонна таһаҕаһы тиэйбиттэр, 2024с. кытта тэҥнээтэххэ, 110,0%.
Хаартыска ЯСИА.
-
0
-
0
-
0
-
0
-
0
-
0
