Үөһээ этиллибит суол 3586,2 км-рэ федеральнай, 13152,7 км-рэ өрөспүүбүлүкэ уонна 22259,8 км-рэ олохтоох суолталаах суолларынан буолаллар. 2012 сылтан Саха өрөспүүбүлүкэтин суолун пуондата тэриллиэҕиттэн суолу оҥорууга үбүлээһин кээмэйэ улааппыт. Онон сиэттэрэн суол оҥоһуута уонна өрөмүөннээһинэ тэтимирбит. Ол иһигэр олохтоох суолталаах суоллары оҥоруу үлэтэ күүскэ ыытыллыбыт.
2019 сылга суолу оҥорууга 22,91 млрд солкуобайы көрбүттэр. Ол онтон 17 млрд солкуобайа олохтоох суолталаах суолу оҥорууга ыытыллыбыт. Тэҥниир буоллахха, 2010 сыллаахха 5,28 млрд солк. суолу оҥорууга көрбүттэр. 2020 сылга үбүлээһин кээмэйэ кыччаабатах – 20,82 млрд солк. Ол курдук быйыл уопсайа 542,9 км суолу оҥордулар уонна өрөмүөннээтилэр: федеральнай суолталаах – 194,1 км, өрөспүүбүлүкэ суолталаах – 224,2 км уонна олохтоох – 465,1 км.
СӨ тырааныспарка уонна суол хаһаайыстыбатыгар министиэристибэ пресс-сулууспатын матырыйаалыттан.
-
0
-
0
-
0
-
0
-
0
-
0
