Ааспыт 2020 сыл сэтинньи ыйыгар куонкурс бастакы түһүмэҕэ буолан ааспыта. Саха сириттэн 4 урбаанньыт (Дьокуускай, Хаҥалас уонна Булуҥ урбаанньыттара) 1,7 – 3 мөл. солк иһинэн суумалаах граннарга тиксибиттэрэ.
Быйылгы сылга Ростуризм куонкурс 2-с түһүмэҕин 2021 сыл кулун тутар ыйыгар ыытар былааннаах.
Куонкурска урбаанньыттар уонна юридическай сирэйдэр кыттар бырааптаахтар. Кинилэр 3 мөл. солк. иһинэн өйөбүлгэ тиксиэхтэрин сөп. Судаарыстыбаннай өйөбүл булгуччу усулуобуйатынан, грант ылааччы биисинэс-былааннаах уонна 30 % кыттыгас үптээх-харчылаах буолуохтаах.
Грант үбүнэн туристыыр оборудование, модульнай көстүүнэй, спортивнай тээбириннэри, о.д.а. туризмҥа сыһыаннаах табаардары атыылаһыахха сөп.
Ростуризм граннарын СӨ Урбааҥҥа, атыыга-тутууга уонна туризмҥа министиэристибэтэ сүрүннүүр.
-
0
-
0
-
0
-
0
-
0
-
0
