- Чааһынай заправкалыыр ыстаансыйалар 5-7 солк. үрдүк сыананы туруорарга күһэллэллэр. Ол түмүгэр, уматыгы атыылаһааччы бөдөҥ хампаанньалар ситимнэрин талар, онтон судаарыстыбаттан тутулуга суох заправкалыыр ыстаансыйалар килийиэннэрин сүтэрэллэр, - диир Арассыыйатааҕы уматык Сойууһун (РТС) баһылыга Евгений Аркуша.
Чааһынайдар монкуруут бараллар. Дьиҥэр, үгүс эрэгийиэннэринэн чааһынай заправкалыыр ыстаансыйалар ахсааннарынан баһыйаллара биллэр. Маны таһынан, билигин үлэлиир судаарыстыбаттан тутулуга суох заправкалар саппаастаах уматык атыылаһарга үптэрэ суох уонна итинник тэрилтэлэргэ бааннар кирэдьиит биэрэр кыахтара суоҕа билиннэ. Ол түмүгэр, сорох эрэгийиэннэринэн чааһынай заправкалыыр ыстаансыйалар маассабайдык сабыллаллар, эбэтэр уматык көрүҥүн аҕыйаталлар, олохтоох нэһилиэнньэ наадыйыытыгар улахан уочараттар үөскүүллэр.
Санаттахха, Федеральнай антимонопольнай сулууспа (ФАС) кыһыҥҥы дизель сыаната туруктаах буолуутугар көмөлүүр дьаһаллары оҥорон ылыммыта. Биэдэмистибэ дизеллэри атыылааһын нуорматын 7,5-тэн 10 бырыһыаҥҥа диэри үрдэтэргэ этии киллэрбитэ. Сыананы үрдэтэн, уматыкка ирдэбил улаатар кэмигэр, эбии саппаас уматыгы хаһаанарга кыах үөскэтиэхтээх.
-
0
-
0
-
0
-
0
-
0
-
0
