Владимир Федоров «Полиметалл» хампаанньа 2025 с. түмүгүнэн 11,6 млрд. солк. нолуогу төлөөбүт, онтон өрөспүүбүлүкэ өлүүтэ төһөнүй диэн туоһуласта. Тэрилтэ дириэктэрэ Александр Акамов эрэгийиэн бүддьүөтүгэр 5,1 млрд. солк., олохтоох бүддьүөккэ 718 мөл. солк., федеральнай бүддьүөккэ 5,2 млрд. солк. нолуок төлөммүтүн чуолкайдаата. 851 мөл. бүддьүөт таһынан пуондаҕа ыытыллыбыт.
Ону таһынан, дьокутаат Тополинайга Томпо өрүс үөһээ өттүгэр бырамыысыланнас үлэлииригэр 500 миэстэлээх уопсай дьиэ тутулларыгар олохтоохтор санааларын төһө учуоттаабыттарын туһунан интэриэһиргээтэ. Александр Акамов этэринэн, онно баахта бөһүөлэгэ тутуллуохтаах. Бастаан бырайыагын оҥороллор, онтон эспэртиисэни ааһыахтаахтар. Олохтоохтору ыҥыран, уопсастыбаннай истиигэ бырайыагы дьүүллэһиэхтээхтэр.
Оччотугар бырамыысыланнай эбийиэктэри өрүс үөһээ өттүгэр тутартан аккаастанан, атын сиргэ көһөрүөххүтүн сөп дуо диэтэ Владимир Федоров.
Онуоха Александр Акамов олохтоох нэһилиэнньэҕэ хайдах үлэлииллэрин көрдөрөллөрүн, өрөспүүбүлүкэҕэ өрүс кытылыгар элбэх нэһилиэнньэлээх пуун баарын, онтон чуолкай быһаарыныыны ылынарга уопсастыбаннай истиини күүтэргэ ыҥырда.
Хаартыска "Полиметалл" хампаанньа архыыбыттан.
-
0
-
0
-
0
-
0
-
0
-
0
