Издательский дом Редакция Подписка
Погода в Якутске: . -12 oC

От ыйын 30 күнүгэр Айсен Николаев Томпо улууһугар ойуур баһаардарын утары үлэ хаамыытын кытта тиийэн билистэ. Билиҥҥитэ улууска түөрт улахан уоту умуллара сылдьаллар.

От ыйын 30 күнүгэр Айсен Николаев Томпо улууһугар ойуур баһаардарын утары үлэ хаамыытын кытта тиийэн билистэ. Билиҥҥитэ улууска түөрт улахан уоту умуллара сылдьаллар.

Ил Дархан Кириэс Халдьаайы таһыгар Дьокуускай, Амур уобалаһын парашютистарын көмөтүнэн уонна олохтоох нэһилиэнньэ күүһүнүнэн төгүрүтүллүбүт икки ойуур баһаарын көрдө. Бастакы уот нэһилиэнньэлээх пууҥҥа 10 км, иккис – 6 км чугаһыы сылдьыбыттар. Билигин парашютистар биир бөлөхтөрө Ударник диэн сиргэ салгыы үлэлии көстө.

– Томпо улууһугар Кириэс Халдьаайыга уустук, тыҥааһыннаах балаһыанньа үөскээбитэ. Ону көннөрөргө күүстээх үлэ-хамнас барда. Ол түмүгэр Кириэс Халдьаайы баһаардара умуллан эрэллэр. Сайдыы нэһилиэгэ эмиэ уустук балаһыанньалааҕа. Ойуур авиа харыстабылын уонна “Якутлесресурс” тэрилтэ үлэһиттэрэ утары уот ыытан, ол баһаардары этэҥҥэ хаайдылар, – диэн Айсен Николаев бэлиэтээтэ.

Ол гынан баран, баһаардары кэрийэн көтүү кэмигэр, киһи кыайан тиийбэт сирдэригэр элбэх термо-туочука баара бэлиэтэммит. Ил Дархан ити баһаардар нэһилиэнньэлээх пууннарга өссө да кутталы үөскэтиэхтэрин сөбүн эттэ.

5f2360e9c108e

– Өрөспүүбүлүкэ үрдүнэн баһаардары умулларыы көдьүүһэ 30 % үрдээтэ. Ону федеральнай тэрилтэлэр эмиэ бигэргэтэллэр. Билигин кинилэр ойуур баһаардарын кэтээн көрө, үөрэтэ, умулларыыга көмөлөһө сылдьаллар, – диэн Айсен Николаев кэпсээтэ.

Ил Дархан үлэлиир сырыытын түмүгэр Ойуур баһаардарын умулларыыга ыксаллаах быһыы-майгы хамыыһыйатын мунньаҕын тэрийдэ.  

Санатан эттэххэ, быйыл  өрөспүүбүлүкэ үрдүнэн 1300 ойуур баһаара турбута. Онтон 94 %-на этиҥтэн уонна чаҕылхантан үөскээбиттэрэ быһаарыллыбыта.

– Мунньах кэмигэр Айсен Николаев Томпо улууһун баһаардарын умулларыыга үлэ салҕанарын уонна умайбыт уот лииньийэтин суһаллык чөлүгэр түһэрэллэригэр сорудахтаата. Ону таһынан нэһилиэнньэ туруорсуутунан, нэһилиэктэри уоту кытта охсуһалларыгар вездеход тиэхиньикэнэн хааччыйалларга тустаах үлэни-хамнаһы ыыталларыгар сүбэлээтэ.

5f2360e95a0175f2360eb2190d

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением