“Арассыыйа премьер миниистирэ Михаил Мишустин Аартыка сүбэтин былааннарын бигэргэттэ. Онно биһиги кэккэ этиилэрбит учуоттаннылар. 2023 сылга Саха сиригэр ирбэт тоҥ аан дойдутааҕы Саммита буолара быһаарылынна. Билигин ирбэт тоҥ ириитэ – бүтүн киһи аймаҕы долгутар глобальнай кыһалҕа”, – диэн Айсен Сергеевич бэлиэтээтэ.
Маны таһынан, Айсен Николаев Аартыка сүбэтин 2021-2023 сыллардааҕы бырагырааматыгар Аартыка төрүт омуктарын уус уран култуураларын нэһилиэстибэтин сыыппаралааһын үлэтэ киирбитин кэпсээтэ. Аны туран, эһиил 2022 сылга Аартыка усулуобуйатыгар киһи олороругар табыгастаах куораттары сайыннарыы кыһалҕатыгар аналлаах уонна табаһыттар аан дойдутааҕы чөмпүйэнээттэрэ былааннаммыттарын эттэ.
– Табаһыттар чөмпүйэнээттэрэ 2022 сыл муус устар ыйга Черскэйгэ буолуоҕа. Бу тэрээһин аан бастакытын бүтүн аан дойдутааҕы таһымы ылла, – диэн Айсен Сергеевич иһитиннэрдэ.
-
0
-
0
-
0
-
0
-
0
-
0
