Ойуур баһаара туруоҕуттан барыта 27430,8 гектардаах сир былаҕайга былдьаммыт. Барыта 15 улууска уонна Дьокуускай куоракка ойуур баһаара умайар.
Улуустарынан көрдөххө
Аммаҕа 1, Горнайга 2, Намҥа 1, Ньурбаҕа 4, Сунтаарга 4, Үөһээ Бүлүүгэ 6, Бүлүүгэ 1, Кэбээйиги 1, Ленскэйгэ 1, Томпоҕо 2, Өлүөхүмэҕэ 5, Өймөкөөҥҥө 2, Уус Маайаҕа 2, Хаҥаласка 2, Мэҥэ Хаҥаласка 2, Дьокуускайга 2 ойуур баһаардара умайаллар. Балартан алта баһаар бохсуллубут (Дьокуускай куоракка, Нам, Үөһээ Бүлүү, Ньурба, Мэҥэ Хаҥалас, Сунтаар улуустарыгар). Космостан кэтээн көрүү түмүгүнэн, Саха сирин сиригэр-уотугар 35 көрдүгэн (термоточка) баара бэлиэтэммит.
«Ааспыт сууккаҕа кэтээн көрүү түмүгүнэн, эбии 16 ойуур баһаара (123, 5 гектардаах) баара биллибитэ, олору умуруорууга тута миэрэлэр ылыллыбыттара. Биллэн турар, өҥүрүк куйаастар сатыылаабыттарын түмүгэр, ойуур баһаардарын умуруорарга уустуктары үөскэттэ. Бүгүҥҥү күҥҥэ өрөспүүбүлүкэ үрдүнэн турбут баһаардары умуруорууга барыта 1569 киһи уонна 165 анал тиэхиньикэ үлэлии сылдьаллар. Итини тэҥэ, баһаары кэтээн көрүүгэ 25 салгын суудуната туһаныллар», -- диэн СӨ Экологияҕа, айылҕаны туһаныыга уонна ойуур хаһаайыстыбатын министиэристибэтин иһинэн ойууру кэтээн көрүүгэ уонна харыстааһыҥҥа Департаменын салайааччытын солбуйааччы Владимир Иванов иһитиннэрдэ.
-
0
-
0
-
0
-
0
-
0
-
0
