Экология министиэристибэтигэр иһитиннэрбиттэринэн, Саха сирин территориятыгар 113 ойуур баһаарын умуруорууга үлэлэһэллэр, уот 99355,га сири сиэбит. Ханнык улуустарга уот күүдэпчилэнэрий? Аммаҕа, Үөһээ Бүлүүгэ, үөһээ Дьааҥыга, Бүлүүгэ, Горнайга, Кэбээйигэ, Ленскэйгэ, Мэҥэ Хаҥаласка, Мииринэйгэ, Намҥа, Нерюнгрига, Ньурбаҕа, Өймөкөөҥҥө, Өлүөхүмэҕэ, Сунтаарга, Тааттаҕа, Томпоҕо, Уус Алдаҥҥа, Уус Майаҕа, Хаҥаласка, Дьокуускайга, «Өлүөнэ остуолбара» пааркаҕа (2) уонна Өлүөхүмэ заповеднигар(1) ойуур баһаардара турбуттар.
Баһаары кытта 2552 киһи охсуһар, 286 техника үлэлиир. Билиҥҥитэ уустук балаһыанньа Горнай улууһугар бэлиэтэнэр, онно 14 баһаары умуруорууга үлэ барар. Бу күннэргэ улуустарынан 14 бөртүөлүөтүнэн көтө сылдьан баһаар турбут сирдэрин бэлиэтииллэр. МИ-8 бөртөлүөттэр өрөспүүбүлүкэ 7 улууһугар баһаары умулларыыга ыытыллыбыт.
- 0
- 0
- 0
- 0
- 0
- 0