Владимир Прокопьев: «Ойуур хаһаайыстыбатыгар бэриллэр субвенцияны тыырыы ньыматыгар уларыйыыны күүтэбит»
Издательский дом Редакция Подписка
Погода в Якутске: . 11 oC

Ил Дархан Айсен Николаев дойду Бэрэсидьиэнин Владимир Путин ойуур баһаардарын боппуруостарынан видео-кэмпириэнсийэнэн ыыппыт мунньаҕар кыттан, ойуур сыһыаннаһыыларын үлэтин сүнньүнэн кэккэ этиилэри оҥорбута.

Ил Дархан Айсен Николаев дойду Бэрэсидьиэнин Владимир Путин ойуур баһаардарын боппуруостарынан видео-кэмпириэнсийэнэн ыыппыт мунньаҕар кыттан, ойуур сыһыаннаһыыларын үлэтин сүнньүнэн кэккэ этиилэри оҥорбута.

Ол этиилэриттэн биирдэстэринэн ойуур сыһыаннаһыыларыгар федеральнай үптэн тыырыллар субвенция методикатыгар уларыйыы киирэрэ наадалааҕын туһунан эппитэ.

Бүгүн Ил Түмэн сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Владимир Прокопьев «Якутия 24» тв ханаалга Владимир Путины кытта мунньах түмүгүнэн ойуур сыһыаннаһыыларыгар бэриллэр субвенция тыырыытыгар уларыйыылар киирэллэрэ күүтүллэрин туһунан иһитиннэрдэ.

«Ил Дархан ойуур баһаардарын умулларыыга туһаныллар улахан тиэхинньикэлэри наадалаахтарын туһунан эппитэ. Иккиһинэн, ойуур сыһыаннаһыыларыгар бэриллибит боломуочуйаны толорорго бэриллэр субвенция тыырыытыгар уларытыы киллэрэр тоҕоостооҕун бэлиэтээбитэ. Билигин ойуур баһаарын умулларыыга биир мэһэйинэн РФ субъектарыгар бэриллэр үп кээмэйэ кыччыгыйа буолар», -- диэн Владимир Прокопьев эппит.

Кини быһаарбытынан, өрөспүүбүлүкэ ойуурдарын харыстааһыҥҥа 1 гектар сиргэ 6 солк 10 кэппиэйкэ көрүллэр. Уһук Илиҥҥэ ити сыыппара 28 солк 80 кэппиэйкэҕэ тэҥнэһэр. Дойду үрдүнэн ортотунан – 99 солк.

«Арассыыйа ойуурун пуондатын 20 % Саха сиригэр тиксэр. Үбү тыырыы ньымата көдьүүһэ суоҕунан, ойууру харыстыыр үлэһиттэр аҕыйахтар уонна тиэхинньикэ тиийбэт. Быйыл ойуур сыһыаннаһыыларыгар көрүллэр үп тыырыытыгар Владимир Путин сорудаҕынан уларыйыы киирэрэ күүтүллэр», -- диэн Ил Түмэн сис кэмитиэтин бэрэссэдээтэлэ бэлиэтээбит.  

Үбү тыырыы ньыматын уларыттахтарына, ойуур харыстабылыгар үлэлиир дьон ахсаанын улаатыннарыахтара. Билигин 330 киһи үлэлиир, оттон нуорманан 3,5 тыһ. киһи ирдэнэр.«Үбү тыырыы ньымата уларыйдаҕына, үлэһиттэр уонна мобилизацияланан үлэлиир дьон хамнастара улаатыаҕа, тиэхинньикэнэн хааччыллыахпыт диэн эрэнэбит. Оччотугар ойуур баһаарын сэрэтии үлэтэ уонна турбут баһаары умулларыы көдьүүстээхтик ыытыллыаҕа», -- диэн Владимир Прокопьев эппит.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиитикэ

Боччумнаах кэпсэтиилэр

Ил Дархан Айсен Николаев Арассыыйа Федерациятын Бырабыыталыстыбатын Бэрэссэдээтэлэ Михаил…
17.08.22 09:04
Уопсастыба

Өрөмүөн саҕаланна...

Атырдьах ыйын ортотуттан саҥа үөрэх дьылыгар, сайыҥҥы уоппуска кэнниттэн үлэҕэ тахсарга…
17.08.22 08:33