Дмитрий Садовников эппитинэн, билигин Горнай улууһугар турбут ойуур баһаара атын сиргэ тарҕамматын туһугар утары уоту ыыталлар. Ол иһин бүгүн Дьокуускай куорат уонна киин улуустар буруонан бүрүллүннүлэр. Дмитрий Садовников олохтоохтору тулуурдаах буолалларыгар уонна өйдүүллэригэр көрдөһөр.
Билигин 52 ойуур баһаарын умуруора сылдьаллар, 2075 киһи уонна 270 тиэхиньикэ үлэҕэ тардыллыбыттар. Сууккаҕа 45 баһаар умуруорбуттар, 16 баһаары бохсубуттар уонна эбии 18 баһаар турбутун булбуттар. Өрөбүллэр устата 86 ойуур баһаарын умуруорбуттар. Бэһис кылаастаах кутталы үөскэтэр баһаардар Уус Алдан, Горнай уонна Эдьигээн улуустарыгар бааллар. От ыйын 25 күнүгэр РФ ыксаллаах быһыыга-майгыга министиэристибэ Ми-8 бөртөлүөтэ Үөһээ Бүлүү Кырыкый сэлиэнньэтин таһыгар турбут баһаарга дьону илдьибит.
Билигин өрөспүүбүлүкэ салалтатын улахан хонтуруолугар Горнай улууһун Маҕарас, Күөрэлээх, Өрт сэлиэнньэлэрин аттыгар умайар баһаардар сылдьаллар.
-
0
-
0
-
0
-
0
-
0
-
0
