Ыам ыйынааҕы хамнастарын кытта уопсайа 2551 медик эбии төлөбүрү ылла. Ол иннинэ кулун тутар ыйынааҕы төлөбүрү үлэлээбит дьон кэмигэр туппуттара.
Билиҥҥи туругунан, үс сиртэн көмө көрүллэр: бэрэсидьиэн, бырабыыталыстыба уонна регион харчы көрөр. Бу эбии төлөбүр медик үлэлээбит кэмиттэн ааҕыллар. Өрөспүүбүлүкэ үрдүнэн 88 медицинскэй тэрилтэ хабыллар.
Бэрэсидьиэн эбии төлөбүрэ саамай куттааллаах сиргэ үлэлээччилэр, ол эбэтэр коронавируһунан ыалдьыбыт дьону кытта ыкса үлэлиир дьоҥҥо бэриллэр. Балар дуоһунастан көрөн, 25 – 80 тыһыынча солкуобайга тиийэ сууманы ылар кыахтаахтар.
Кулун тутар ыйынааҕы эбии төлөбүрү уопсайа 548 киһи ылбыта. Суумата – 13,1 мөлүйүөн солк. тэҥнэспит. Оттон муус устар ыйынааҕы төлөбүрү 1370 медик ылбыт. Уопсайа 55,2 мөл. солк көрүллүбүт.
Бэдэрээлинэй төлөбүрү муус устартан анаабыттара. Бу инфекциянан ыалдьыбыт дьону кытта үлэлиир дьоҥҥо: скорай үлэһиттэригэр, стационарга бастакы көмөнү оҥорор медиктарга, онно усулуобуйаны тэрийэр медперсоналга көрүллэр. Суумата эмиэ бэрэсидьиэн төлөбүрүн кытта тэҥ. Бэдэрээлинэй бүддьүөттэн өрөспүүбүлүкэҕэ 196,7 мөл үп киирбит. Муус устарга 34,5 суумалаах төлөбүрү 632 медик туһаммыт.
Хас биирдии медиккэ дуоһунаһыттан көрөн, 22 – 66 тыһыынчаҕа тиийэ суумалаах региональнай төлөбүрү Ил Дархан Айсен Николаев өссө кулун тутарга биэрэргэ диэн уураахтаабыта. Быраастар муус устардааҕы төлөбүрү ыам ыйынааҕы хамнаһы кытта толору ылбыттара.
-
0
-
0
-
0
-
0
-
0
-
0
