20 килэмиэтир уһуннаах суолга өрөмүөн бу сылга саҕаламмыт. Атына – 2023 уонна 2024 сылларга саҕаламмыт өрөмүөннэр. Олор уопсай уһуннара 94 килэмиэтиргэ тэҥнэһэр.
Ахсынньы 2 күнүн туругунан быйыл 55 эбийиэккэ былаан түспүтүгэр 31-рин бүтэрбиттэр. Үбүлээһин уопсай сууммата – 390 мөл. солк. Бу көрдөрүү 2025 сылга былааннаммыт өрөмүөн үлэлэрин 42,5 %-нын ылар.
Быйыл маннык улуустар суолларыгар улахан өрөмүөннэр бардылар: Таатта Ытык Күөлүн муостатын өрөмүөнэ, Ньурба улууһугар “Чуукаар-Быһыттаах” суола, Бүлүү куоратыгар Попов аатынан уонна Интернациональнай уулуссалар, Дьааҥы Сартаҥ нэһилиэгэр Гаврил Слепцов аатынан, Речной уонна Үҥкүр уулуссаларын суоллара, Өлүөхүмэҕэ “Даппарай-Токко” саҥа суол учаастагын тутуу. Уус Алдан Бороҕонугар Ленин, Чурапчы сэлиэнньэтигэр Ярославскай уонна Таатта Ытык Күөлүгэр Мординов уулуссаларын суолларын аспаалынан бүрүйдүлэр.
Муниципалитеттар суолларын тутуутугар, өрөмүөнүгэр кэлиҥҥи сылларга үлэ күүскэ ыытылларын СӨ Тырааныспарга миниистиэристибэтэ иһитиннэрэр. Муниципальнай тэриллиилэргэ сыл аайы өрөспүүбүлүкэтээҕи Суол пуондатыттан субсидия көрүллэр.
СӨ Тырааныспарга уонна суол хаһаайыстыбатыгар министиэристибэтин пресс-сулууспатын хаартыската.
-
0
-
0
-
0
-
0
-
0
-
0
