– Оскуола тутуута түмүктэнэн эрэр, эбийиэк Дьокуускай маастар-былаанын быһыытынан, Бэрэсидьиэн биир кэлим субсидиятын үбүгэр тутуллар, тэрилтэ 105 сыллаах үбүлүөйүгэр дьоһун бэлэх буолуоҕа. Түөрт этээстээх дьиэ ураты дизайн бырайыагынан, сталинскай ампир элэмиэннэрдээх тутуллар, бу дьиэ Дьокуускай устуоруйатын киинигэр сөп түбэһэр курдук оҥоһуллуохтаах. Тутуу үлэтэ бүтэн, эбийиэк бэлэм диэххэ сөп, онон бу саас саҥа оскуола үөрэнээччилэргэ аанын тэлэччи арыйыаҕа, – диэтэ Ил Дархан Айсен Николаев ааспыт ыйга тутуу хаамыытын билсэн баран.
Күн бүгүн оскуола ис бараанын дизайнерскай үлэтин оҥоро, миэбэли таҥа сылдьаллар. Эбийиэккэ 29 киһи үлэлиир. Генеральнай бэдэрээччит «Сахаспецмонтаж-95» ХЭТ үлэни бастакы кыбаарталга бүтэриэхтээх.
Бэлиэтээн эттэххэ, 2020 сылтан өрөспүүбүлүкэ үрдүнэн 62 оскуола, 36 уһуйаан тутулунна, 100-тэн тахса үөрэх тэрилтэлэрин эбийиэгэ хапытаалынайдык өрөмүөннэннэ. 40 000 оҕо үөрэнэр усулуобуйата тупсарылынна.
Ааптар хаартыскаҕа түһэриитэ.
-
0
-
0
-
0
-
0
-
0
-
0
