Билигин Дьокуускайга 24 эбийиэк тутулла турар, ол иһигэр, биэс оскуола, икки уһуйаан, «Полярная звезда» оҕо киинэ, Муусука үрдүкү оскуолатын саҥа куорпуһа, COSMOS гостиница. «Спортивнай», «Байыаннай чаас», «Ленские высоты» түөлбэлэр биир кэлим бырайыагынан тутуллаллар. Саҥа түөлбэлэри уот, ититии, уу, кирдээх ууну тоҕуу ситимигэр холбуохтара.
Санатан эттэххэ, өссө 2021 с. Илиҥҥи экэниэмикэ пуорумугар Владимир Путин Уһук Илин дьон олоҕун-дьаһаҕын тупсарарга биир кэлим бырагырааманы оҥорорго сорудахтаабыта.
Реновация испииһэгэр Уһук Илиҥҥэ нэһилиэнньэ ахсаанынан үһүс улахан куорат Дьокуускай уонна бөдөҥ инвестиционнай бырайыактары олоххо киллэрэр бырамыысыланнай оройуон киинэ Нерюнгри киирбиттэрэ. Онон бу икки куорат маастар-былааннара оҥоһуллан, социальнай, экэнэмиичэскэй, демографическай ис кыаҕын арыйарга болҕомто ууруллар.
Хаартыска СӨ УГСЖН пресс-сулууспата.
-
0
-
0
-
0
-
0
-
0
-
0
