«Полиметалл» суолу, муостаны туппут эрээри, баахта бөһүөлэгэр сэрэйэн көрдөххө, бэйэлэрэ сылдьыахтара, онон социальнай эппиэтинэһи толордубут дииллэрэ сыыһатын ыйда. Онон Томпо улууһугар, Тополинайга олохтоох нэһилиэнньэ олоҕун тупсарарга «Полиметалл» чопчу тугу оҥорор былааннааҕын туоһуласта.
«Полиметалл» хампаанньа Саха Сиринээҕи салаатын дириэктэрэ Александр Акамов Томпо улууһугар Нежданинскайга диэри барар суол муниципальнай бас билиигэ киирэрин «Полиметалл» бэйэтин үбүнэн хапытаалынай өрөмүөнү оҥорбутун, алта муостаны чөлүгэр түһэрбитин, бу суолу «Геопромайнинг» сир баайын хостуур тэрилтэ эмиэ туһанарын туһунан эттэ.
Ону таһынан, Илиҥҥи Хаандыганы туоруур муоста бырайыагын оҥорбуттар, уһун болдьохтоох кыһыҥҥы суолу астаран баран өрөспүүбүлүкэҕэ биэриэхтээхтэр этэ даҕаны, үп кырыымчыгын учуоттаан, суолу «Полиметалл» бэйэтэ көрө-истэ сылдьарга быһаарыммыт. Тэрилтэ дириэктэрэ хампаанньа сайдан истэҕин аайы Томпо улууһун социальнай-экэнэмиичэскэй сайдыытыгар угар үбэ өссө улаатан иһэрин туһунан бэлиэтээтэ. Тополинайга, общиналарга өр кэмнээх көмөнү оҥоруу түһэрсиллибит сөбүлэһиигэ киирбитин иһитиннэрдэ.
Хаартыска СИА.
-
0
-
0
-
0
-
0
-
0
-
0
