-Ытыктабыллаах Сахабыт Сирин тутууга салаатын үлэһиттэрэ уонна бэтэрээннэр! Эһигини бука барыгытын идэлээх бырааһынньыккытынан, Тутааччы күнүнэн итиитик-истиҥник эҕэрдэлиибин!
Быйыл өрөспүүүбүлүкэ тутууга салаатын 90 сылын, Арассыыйаҕа Тутааччы сыла төрүттэммитэ 70 сылын бэлиэтиибит. Бу бэлиэ кэрдиис-кэм өрөспүүбүлүкэ сайдыытын, хас да көлүөнэ туруу үлэһит дьон хорсун быһыыларын кытта ситимнээх. 90-ча сыл тухары бастакы мас кыбаарталлартан саҕалаан, аныгы түөлбэлэр, бырамыысыланнай эбийиэктэр, стратегическай тыын суолталаах хорук тымырдаах суол-иис күүскэ сайынна.
Сахабыт Сирин тымныы тыйыс усулуобуйатыгар эһиги сыралаах үлэҕит, идэҕэ бэриниилээх буолуугут, сатабылгыт күүһүнэн саҥа бөһүөлэктэри, куораттары тутан таһаардыгыт. Эһиги көннөрү түөрт эркини эрэ тутар буолбатаххыт, өрөспүүбүлүкэ инники кэскилин, тыһыынчанан дьиэ кэргэн сылаас уйатын, табыгастаах нус-хас олоҕун хааччыйаҕыт.
Бу күн чуолаан бэтэрээннэргэ махтаныахпын баҕарабын, кинилэр уопуттара, настаабынньык быһыытынан соргулаах сүбэлэрэ-амалара туохтааҕар даҕаны күндү. Эһиги үтүө холобургут, үлэҕэ бэриниилээх буолуугут эдэр үлэһиттэри саҥа саҕахтарга сирдиир, кинилэр эһиги үлэҕитин салгыыллар, сайыннараллар.
Бырааһынньык күн барыгытыгар чэгиэн доруобуйаны, уостубат уохтаах, энчирээбэт эрэллээх эниэргийэни, саҥа дьоһун бырайыактары, өйдүүр-өйүүр партнердары, сарсыҥҥы күҥҥэ сырдык эрэли баҕарабын! Хас биирдии тутар эбийиэккит эрэллээх, хаачыстыбалаах буоллун, оттон үлэҕит үтүмэн үөрүүнү, үтүө түмүктэн астыныыны эрэ аҕаллын!
Өссө төгүл бырааһынньыгынан!
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
