Тустаах кэмитиэт бэрэссэдээтэлэ Юрий Николаев «2021 уонна былааннаах 2022-2026 сылларга СӨ судаарыстыбаннай бүддьүөтүн туһунан» сокуон бырайыагын бэлэмнээһин чэрчитинэн, Инвестиционнай бырагыраамаҕа дьокутааттар 60 көннөрүүнү киллэрбиттэрин туһунан бэлиэтээтэ. Инвестиционнай бырагыраама сүрүн тосхоллорун экэниэмикэ миниистирин бастакы солбуйааччы Данил Саввинов билиһиннэрдэ. «Биллэн турар, эрдэ саҕаламммыт бырайыактары түмүктүүргэ сүрүн болҕомто ууруллуоҕа. Инвестиционнай бырагыраама чэрчитинэн, 2021 сылга 62 эбийиэк тутуллуоҕа, саҥардыллан оҥоһуллуоҕа. Итинтэн 41-рэ ситэриллэр, 21-рэ саҥа тутуу буолаллар», -- диэн Данил Саввинов быһааран биэрдэ.
Санатар буоллахха, Инвестиционнай бырагырааманы олоххо киллэриигэ өрөспүүбүлүкэ Суолга пуондатын учуоттаан туран, 2021 сылга 26,6 млрд. солк., 2022 сылга 30,6 млрд. солк. уонна 2023 сылга 9,7 млрд. солк. көрүллүөхтээх.
Саха сирин инвестиционнай бырагыраамата ханнык сүрүн суолталаах туһаайыыларга олоҕуран оҥоһуллубутуй?
-- «2019-2025 сс. саахалланар туруктаах дьиэ пуондатыттан дьону көһөрүү» өрөспүүбүлүкэтээҕи аадырыстаах бырагырааманы олоххо киллэриигэ -- 2021 сылга 8 млрд. солк., 2022 сылга 15 млрд. 563 мөл. солк.;
-- Федеральнай бырайыактары ситиһэргэ аналлаах эрэгийиэннээҕи тутуу эбийиэктэрин олоххо киллэриигэ -- 2021 сылга 4 млрд. 550 мөл. солк., 2022 сылга 3 млрд. 807 мөл. солк., 2023 сылга 48,6 мөл. солк.;
-- 2021 сылга Саха Өрөспүүбүлүкэтигэр экэниэмикэ үүнүүтүн кииннэрин социальнай сайдыыларын былаанын тэрээһиннэрин олоххо киллэриигэ -- 2 млрд. 601 мөл. солк;
-- Судаарыстыбаннай чааһынай бииргэ үлэлээһин чэрчитинэн, социальнай хабааннаах эбийиэктэри тутууну олоххо киллэриигэ -- 2021 сылга 2 млрд. 39 мөл. солк., 2022 сылга 2 млрд. 757 мөл. солк., 2023 сылга 3 млрд. 403 мөл. солк.;
-- «2020-2025 сс. тыа сирин биир кэлимник сайыннарыы» өрөспүүбүлүкэтээҕи бырагырааманан эбийиэктэри тутууга -- 2021 сылга 2 млрд. 178 мөл. солк., 2022 сылга 934,3 мөл. солк., 2023 сылга 56,1 мөл. солк.
- 0
- 0
- 0
- 0
- 0
- 0