“Дьиэ-уот уонна куорат эйгэтэ” национальнай бырайыак чэрчитинэн 2021 сылга өрөспүүбүлүкэ нэһилиэнньэлээх пууннарын тупсарыыга 40 бырайыак олоххо киириэ. Ол иһигэр 7 уопсастыбаннай миэстэни, уопсай дьиэлэр иннинээҕи 33 территорияны оҥоруохтара. Ордук улахан үлэлэр Мииринэйгэ, Нерюнгрига, Алдаҥҥа, Томмокко, Удачнайга, Орто Халымаҕа, Үөһээ Дьааҥыга ыытыллыахтара.
Саха сирэ Арассыыйа саамай табыгастаах ипотекалаах эрэгийиэннэрин ахсааныгар киирдэ. Билэрбит курдук, манна Уһук Илиннээҕи 2 бырыһыаннаах ипотека бырагыраамата үлэлээн, сыл иһигэр 35 саастарын туола илик үс тыһыынчаттан тахса эдэр ыал дьиэлэннэ.
“Куттала суох уонна хаачыстыбалаах суоллар” национальнай бырайыак чэрчитинэн быйыл 2021 сылга Дьокуускай куоракка барыта 49 тыһыынчаттан тахса килэмиэтир уһуннаах суол аспаалланыа. Итиччэ кээмэйдээх үлэни урут 10 сылы быһа оҥороллоро. Оттон билигин биир сылга бүтэрэр сорук турар. Онуоха 2,4 млрд солк. бу үйэлээх үлэҕэ көрүллэрэ былааннанар.
Маҕан аэропордугар “АОРЛ-1 АС” диэн аэродромнай радиолокационнай комплексы таҥан туруоруохтара. Бу тэрил халлааҥҥа көтө сылдьар ааллары кэтээн көрөргө аналлаах. Өр кэмнэргэ саҥардыыны билбэтэх Маҕан аэропорда билиҥҥи олох ирдиир аныгылыы таһымыгар тахсарыгар олук ууруллар.
-
0
-
0
-
0
-
0
-
0
-
0
