Саха сирин дэлэгээссийэтэ «Норуот түмсүүтэ — тыа сирин күүһэ» диэн Федерация Сэбиэтин пленарнай мунньаҕар кытынна. Самсоновтар ааттарынан Хатас оскуолатын учуутала Яна Портнягина Саха Өрөспүүбүлүкэтин агрооскуолаларын уопутун тарҕатарга эттэ, М.Е.Васильева аатынан Хаҥалас улууһун II Малдьаҕар оскуолатын дириэктэрэ Григорий Сысоев оскуола-хаһаайыстыба бырайыагын билиһиннэрдэ.
«Архитектура смыслов современной школы-хозяйства, в том числе агрошколы как школы-хозяйства» диэн стратегическай сиэссийэҕэ АПК-ны ресурсанан хааччыйыы өрөспүүбүлүкэтээҕи киинин уонна агрооскуолаар бэрэстэбиитэллэрэ Саха Өрөспүүбүлүкэтин агрооскуолаларын үлэлэрин-хамнастарын туһунан сырдаттылар. Сиэссийэ түмүгүнэн Саха Сирин уонна Тамбов уобалаһын агрооскуолалара бииргэ үлэлиир туһунан кэпсэттилэр.
– Бу пуорум көдьүүһэ элбэх, тоҕо диэтэххэ, маннык көрсүһүүлэргэ тыа сирин сайдыытын стратегията ырытыллар, сокуоннар дьүүллэһиллэллэр, инфраструктура, каадыр, саҥа технологиялары киллэрии боппуруостара көрүллэр. Пиэрмэрдэр, хаһаайыстыбалар салайааччылара бэйэлэрин кыһалҕаларын федеральнай биэдэмистибэлэр уонна Федерация Сэбиэтин салайааччыларыгар быһа быһаартарар кыахтаахтар, атын эрэгийиэннэри кытары уопут атастаһалар. Биһиги агпрооскуолаларбыт уопута олус биһирэннэ, онон дойду үрдүнэн тарҕаныахтара диэн эрэнэбит, – диир АПК-ны ресурсанан хааччыйыы өрөспүүбүлүкэтээҕи киинин дириэктэрин солбуйааччы Кирилл Лазарев.
Бу туһунан Тыа хаһаайыстыбатын уонна ас-үөл бэлиитикэтин министиэристибэтин пресс-киинэ иһитиннэрэр.
Хаартыска: Тустаах саайтан.
-
0
-
0
-
0
-
0
-
0
-
0
