Эбийиэктэр үлэҕэ киирдэхтэринэ эбии 12 885 үөрэх миэстэтэ тахсыаҕа. СӨ Бырабыыталыстыбатын Бэрэссэдээтэлин солбуйааччы Сергей Местников этэринэн, бастакы түһүмэххэ Дьокуускайга 5 уонна 12 №-дээх, ону таһынан Хатас сэлиэнньэтин оскуолаларын тутуулара биһирэннилэр. Иккис түһүмэххэ - 26 №-дээх, 29 №-дээх оскуолалар уонна Дьокуускайдааҕы кадетскай интэринээт-оскуола куорпуһа.
Ону тэҥэ киин куоракка уонна Жатайга эбии саҥа 6 үөрэх эбийиэгин киллэрии сүүмэрдээһинэ ааста. Итини таһынан Сергей Местников Дьокуускайдааҕы 1 №-дээх оскуолаҕа сир учаастагын уонна тиэхиньиичэскэй холбоһугун тэрийиини кытта сибээстээх боппуруостары үлэлэтэргэ этии киллэрдэ.
-
0
-
0
-
0
-
0
-
0
-
0
