Издательский дом Редакция Подписка
Погода в Якутске: . -5 oC

Куоракка ынах арыытын сыаната доруоһалаах тиэстэ курдук күн аайы эбиллэн иһэр, күн бүгүн киилэтин куоракка 1300 солк. атыылыыллар, оттон Аллараа Бэстээххэ — 800 солк. Өрүһү туораатаҕына, тоҕо сыаната хас да бүк ыарыырый?

Куоракка ынах арыытын сыаната доруоһалаах тиэстэ курдук күн аайы эбиллэн иһэр, күн бүгүн киилэтин куоракка 1300 солк. атыылыыллар, оттон Аллараа Бэстээххэ — 800 солк. Өрүһү туораатаҕына, тоҕо сыаната хас да бүк ыарыырый?

Сэрэйэн көрдөххө, куораттар харчылаахтар, ханна барыахтарай, бүтэһик да харчыларынан ылыахтара диэн сыананы харса суох эбэн иһэллэр. Tыа хаһаайыстыбатын министиэристибэтэ үүт харчытын, ынах-сүөһү төбөтүн аайы судаарыстыбаттан көмө арааһын ыыта олорор. Оттон урбаан министиэристибэтэ оҥорон таһаарар сыах, атыы-эргиэн дьиэтин куортамын, кирэдьиит ороскуотун субсидиялыыр, нолуок ыстаапкатын кыччатар, грант биэрэр.

СӨ Сыана бэлиитикэтигэр судаарыстыбаннай кэмитиэт атыыһыт сыананы бэйэтэ быһар, судаарыстыба урбаанньыттарга орооһор, сыананы түһэрэр бырааба суох диэн этэр. Социальнай хайысхалаах бородууксуйаҕа атыы-эргиэн 15% эбилигин эрэ хонтуруоллуур.

Онон арыыбытын аны күһүн 2000 солк. да атыылыахтарын сөп, оччоҕо 1990-с сылларга курдук үгүс дьон «Rama» кэлии арыыга көһөргө күһэллиэ.

Саха Сирин муниципальнай тэрээһиннэрин бэрэстэбиитэллээх уорганнарын дьокутааттарын II сийиэһин кэмигэр Чурапчытааҕы улуус сэбиэтин бэрэссэдээтэлин Афанасий Захаровы көрсөн, тоҕо арыы сыаната итиччэ ыараабытын туһунан ыйыталастым.

«Биһигиттэн ынах арыытын урбаанньыттар кууһунан киилэтин 750 солк. атыылаһаллар уонна куоракка киллэрэн, 1300 солк. батараллар. Ырыынак сыһыана көҥүл буолан, Дьокуускага 800 солкуобайга атыылааҥ диир, кинилэри хонтуруоллуур кыахпыт суох», — диэн хоруйдаата Афанасий Афанасьевич.

Ити курдук урбаанньыттар киилэ арыыттан сиэптэригэр 550 солк. укталлар, иҥсэлэрэ улааттаҕына 1000 солк. да ылыахтара, ону ким да кыайан хонтуруоллаабат.

  • 0
  • 0
  • 2
  • 3
  • 0
  • 3

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением