-Оттооһун саҕаланна. Саха Сирин үрдүнэн 435 тыһ. туонна от, 13 тыһ. т ордук сенаж, 24 тыһ. т ордук сиилэс бэлэмнэниллиэхтээх. Бу сылга уопсайа 63 тыһ. т үүтү соҕотуопкалыыр былаан турар. Быйылгыттан бу салааҕа боломуочуйалары муниципальнай таһымҥа биэрии улахан суолталанна, бу хамсааһын бородууксуйаны салгыы улаатыннарыыга туһайыллыбыта хайҕаллаах. Өрөспүүбүлүкэ ситиһиитэ дьон үлэтин туоһута буолар, -диэн Айсен Сергеевич быйылгы сезон былаана туолуутугар тыа хаһаайыстыбатын үлэһиттэригэр эрэнэрин биллэрдэ.
Тыа хаһаайыстыбатын миниистирэ Артем Александров иһитиннэриитинэн, 2025 сылга бэриллибиит боломуочуйаларынан 8 млрд. 884 мөл. солк. субвенция үбэ көрүллүбүт, ол сууматтан: cорох боломуочуйалары толорууга -722 мөл., сүөһү иитиитин уонна бааһынай хаһаайыстыбалары өйөөһүҥҥэ – 1 млрд. 165 мөл., сүөһү, сибиинньэ, сылгы иитиитигэр, хортуоппуйу, бурдугу үүннэриигэ – 644,6 мөл., үүтү оҥорон таһаарыыга, астааһыҥҥа, сүөһү, сылгы этин оҥорон таһаарыыга, хортуоппуй у, оҕуруот аһын, бурдугу соҕотуопкалааһыҥҥа - 4,46 млрд. көрүллүбүт. Таба иитиитигэр - 1,3 млрд. солк., тыа хаһаайыстыбатыаг аччыгый эбийиэктэри тутууга – 590 мөл. солк. (20 улууска) үп-харчы быһыллан турар.
Билиҥҥи көрдөрүүнэн, 2025 сыл бастакы аҥаарыгар 24,9 тыһ. т үүт соҕотуопкаланна, онон 2024 сылы кытта тэҥнээтэххэ 14,6 %-нан ордук.
Оттооһуҥҥа хардарыта үбүлээһин бэрдээгинэн өрөспүүбүлүкэ бүддьүөтүттэн 100 мөл. солк., муниаципальнай бүддьүөттэртэн 167 мөл. солк. көрүллүбүтэ. Оттооһун былаанын ылан көрөр буоллахха,2024 с. кытта тэҥнээтэххэ: окко - тэҥ кэриэтэ, сенажка - 9 %-нан, сиилэскэ - 2 % ордук.
ххх
Санаттахха, А.С. Николаев от ыйын 7 күнүгэр бырабыыталыстыба уонна дьаһалта чилиэттэрэ кыттыылаах планернай мунньахха хоту таһаҕаһы тиэйиигэ чопчу соруктары туруорбута.
“Быйыл 1,4 мөл. туоннаны тиэйэр былаантан хайы-үйэ аҥаарын толордубут. Бэрэсидьиэн дойду Бырабыыталыстыбатыгар эрэгийиэннэри кытта тиэйиини толору кээмэйинэн хааччыйарга соруйбута”, — диэн Айсен Николаев бэлиэтээтэ.
Санатан эттэххэ, Арассыыйа Бэрэсидьиэнэ Владимир Путин хотугу таһаҕаһы тиэйиини кытта сибээстээх боппуруостары суһаллык быһаарарга ыйбыта. Кини күн-дьыл түргэнник уларыйар уонна кылгас навигация кэмигэр биир да күнү куоттарбат наадатын бэлиэтээбитэ.
Мунньах кэмигэр Айсен Николаев РФ Бырабыыталыстыбата Саха Сирин 61 нэһилиэнньэлээх пуунун түргэн интэриниэтинэн хааччыйыыга анаммыт сирдэр-уоттар кэрискэлэригэр киллэрэр туһунан сөптөөх быһарыныы ылыныыта улахан өйөбүл буоларын бэлиэтээн, махталын биллэрдэ.
Андрей Сорокин хаартыскаҕа түһэриитэ
-
2
-
0
-
0
-
0
-
0
-
0
