Ааспыт сыл аҥаардааҕы көрдөрүүтүн үүт соҕотуопкатыгар үлэлиир 19 улуустан уонна “Дьокуускай куорат” куораттааҕы уокуруктан 12 улуус куоһарда: Кэбээйи (икки төгүл), Амма (+60,9%), Уус Алдан (+47,3%), Мэҥэ Хаҥалас (+37,3%), Чурапчы уонна Үөһээ Бүлүү (+25,5%), Нам (+18,6%), Сунтаар (+17,8%), Куорунай (+8,5%), Хаҥалас (+5%), Өлүөхүмэ (+3,9%), Үөһээ Дьааҥы (+1,5%) уонна Дьокуускай куорат (+2,9%).
Санаттахха, 2025 сыл тохсунньу 1 күнүттэн муниципальнай оройуоннар уонна куораттардааҕы уокуруктар тыа хаһаайыстыбатын үлэтин өйүүр боломуочуйалара лаппа кэҥэтиллэн, бэриллибит боломуочуйалары толороллоругар анаан тыа хаһаайыстыбатын сайыннарыы судаарыстыбаннай бырагырааматыгар 2025 сылга өрөспүүбүлүкэ бүддьүөтүттэн 8 млрд 884 мөл. солкуобай кээмэйдээх субвенция үбэ көрүллүбүтэ.
Улусмедиа инфографиката
Ону кытта үрүҥ аһы астааһын кээмэйэ былырыыҥҥытааҕар көбүччү көрдөрүүлээх
Статистика сыыппаралара көрдөрөллөрүнэн, өрөспүүбүлүкэҕэ 2025 сыл тохсунньу – ыам ыйынааҕы кэмҥэ үүттэн астааһын биллэрдик улаатта:
Ол курдук, холбуйуу сүөгэйи (чөчөгөйү, күөрчэх сүөгэйин) астааһын кээмэйэ 7,5% улаатан, 413 туоннаҕа тиийдэ (ааспыт сыл туһааннаах кэмигэр 384 т. этэ);
— Ынах арыытын оҥорон таһаарыы 7,3% эбиллэн, 236 т. буолла (219 т. этэ);
— Сыры астааһын 46,5% улаатан, 30,6 т. тиийдэ (21 т. этэ);
— Аһытыллыбыт үүт астары оҥорон таһаарыы 5,1% эбилиннэ;
— Кымыһы астааһын 7 төгүл улаатта. Өскөтүн былырыын 5 ый устатыгар 500 киилэ оҥоһуллубут буоллаҕына, быйылгыта – 3,6 т.
Өскөтүн улуустарынан ылан көрдөххө, маннык:
— Амма улууһугар сүөгэйи астааһын кээмэйэ 70% улаатта (1,9-тан. 3,3 -т. диэри);
— Үөһээ Бүлүүгэ ынах арыытын астааһын 450 киилэттэн 3,2 т. таҕыста, кымыс 7, иэдьэгэй 2 төгүл эбилиннэ;
— Үөһээ Дьааҥыга иэдьэгэйи астааһыны 2 төгүл улаатыннардылар (100 киилэттэн 200-кэ диэри);
— Үүтү оҥоруу, сиикэйтэн ураты, Куорунай улууһугар 4, Мэҥэ Хаҥалас улууһугар 2 төгүл улаатта;
— Нам улууһугар сүөгэйи астааһын кээмэйэ 2 төгүл улаатта (4 -тэн. 8 т. диэри);
— Сунтаар улууһугар сыры астааһын 3 төгүл үрдээтэ;
— Уус Алдан улууһугар ынах арыытын астааһыны 3 бүк элбэтэри ситистилэр (2,4 -тан 7,8 т. диэри).
— Дьокуускай куоракка ынах арыыта уонна сыр былырыыҥҥы туһааннаах кэмтэн 3 төгүл элбэх астанна.
Инфографика Улусмедиа
-
3
-
0
-
0
-
0
-
0
-
0
