Күн-дьыл туруга даҕаны биир оннук – сибилигин аҕай хаар-сиик, сонно тыалыран сиксийэр, эмиэ күнүн уотун тыктаран сылааһынан сылаанньытар. Саха дьоно барахсаттар оччолортон-баччаларга диэри үлэлэрин, түбүктэрин-садьыктарын күн-дьыл туругуттан тохтообокко-толлубакка, бүтэрэн-оһорон иһэллэр.
25-тээх эдэр уолаттартан саҕалаан, 60-чалаах дьон илин-кэлин түһүстүлэр
Ааспыт нэдиэлэҕэ Хатаспыт нэһилиэгэр үгэскэ киирбит үһүс төгүлүн ыытыллар “Сатабыл” диэн дьиҥ-чахчы үлэһит дьоҥҥо – тырахтарыыстарга анаммыт күрэх буолан ааста. Хара сарсыардаттан хаҕыс тыыннаах тыал, халыйа тэлгэммит ыанньыйбыт хараҥа былыттар, күүһүрэн ыла-ыла ибиирэр ардах тырахтарыыстар сатабылларын тургутар күрэх кыттааччыларын, ыалдьааччыларын даҕаны мунчаардыбата. Бу күрэх саха санаалаах барыта билэр, ытыктыыр, тумус туттар, бастыҥ салайааччы, Дьокуускай куорат, Хатас нэһилиэгин, Мэҥэ Хаҥалас улууһун Бочуоттаах олохтооҕо, Арассыыйа тыатын хаһаайыстыбатын, СӨ норуотун хаһаайыстыбатын Үтүөлээх үлэһитин Прасковья Федорова төрөөбүтэ 98 сылыгар, Хатас нэһилиэгин 380 сылыгар ананан ыытыллар.
Тырахтарыыстар күүрээннээх күрэхтэһиилэрэ дьон-сэргэ биһирэбилин ылбыт буолан кыттааччыта, сэргээччитэ-кэрэхсээччитэ мэлдьи элбэх. Быйылгы күрэхпитигэр 25-тээх эдэр уолаттартан саҕалаан, 60-чалаах уопуттаах, сатабыллаах, билиилээх-көрүүлээх аҕам саастаах дьон кытыннылар.
Ол туһунан сиһилии "Ил Түмэн" хаһыакка ааҕыҥ.
Хаартысканы Наталья Руфова хааччыйда.
-
4
-
0
-
0
-
1
-
0
-
0
