Быйыл үүт ыаһыныгар өрөспүүбүлүкэ бүддьүөтүттэн барыта 4 309 мөл. солк. субвенция көрүллүбүт. 20 муниципальнай тэриллиигэ уопсайа 3 674 мөл. солк. субсидия тиэрдиллибит. Ол – сыллааҕы бүттүүн үбүлээһин 85,3%-на.
“Төһө даҕаны улуустарга үбү-харчыны ыытыы кэккэ уустуктары көрүстэр, быйыл өрөспүүбүлүкэҕэ тыа хаһаайыстыбата үчүгэй көрдөрүүлэннэ. Холобур, үүт ыаһынын уонна үүт аһы оҥоруу көрдөрүүтэ ааспыт сыллааҕыттан үрдүк. Атын даҕаны бородууксуйаны оҥоруу эмиэ куһаҕана суох көрдөрүүлээх”, – диэн бырабыыталыстыба бэрэссэдээтэлин солбуйааччыта Сергей Местников эттэ. Кини бэлиэтээбитинэн, эһиилги былаан улуустар ис кыахтарыттан көрөн быһыллыахтаах.
“Өскөтүн быйыл 63 тыһыынча туонна үүтү ыабыт буоллахпытына, эһиил 64—65 тыһыынча туоннаны ситиһиэххэ наада. Быйыл 70 дьоҕус инвестициялаах эбийиэк тутуллан үлэҕэ киирдэ. Ол иһигэр 75, 100 уонна 150 миэстэлээх хотоннор. Сүөһүбүт аҕыйаабатын туһугар ити курдук салгыы тутан иһиэхпит”, – диэтэ уонна олохтоох оҥорон таһаарааччылар бородууксуйалара үүт национальнай бородууктатын бигэргэммит тэхиньиичэскэй усулуобуйатыгар сөп түбэһиэхтээҕин санатта.
Бу нэдиэлэтээҕи туругунан, үүт былаанын толорууга бастыҥ көрдөрүүлээх улуустар манныктар: Сунтаар – 104,3%, Үөһээ Дьааҥы – 102,7%, Чурапчы – 101,2%, Горнай – 100,9%, Кэбээйи – 100,9%, Хаҥалас – 100,6%.
Хаартыска: СИА
-
0
-
0
-
0
-
0
-
0
-
0
