Быйылгы быыстапка Арассыыйаҕа Сомоҕолоһуу сылыгар анаммыт. Араас эрэгийиэннэртэн кэлбит дэлэгээссийэлэр бэйэлэрин төрүт култуураларын итиэннэ сиртэн үүнээйини ылыыга үгэстэрин, үлэлэрин-хамнастарын, ситиһиилэрин көрдөрөллөр.
Экспозиция 40 гектардаах сиргэ тардыллыбыт. Тыа хаһаайыстыбатын уонна ас-үөл бэлиитикэтин миниистирин солбуйааччы Сахаяна Павлова иһитиннэрбитинэн, быыстапкаҕа тыа хаһаайыстыбатын саҥа тиэхиньикэлэрэ, тэриллэрэ, агрохимия, уоҕурдуулар, үүнээйини харыстааһын сириэстибэлэрэ, өҥө араас көрүҥнэрэ, тыа хаһаайыстытын культуураларрын саҥа суортара туруоруллубуттар.
Быыстапка чэрчитинэн сиртэн үүнээйини ылыы үлэтин көдьүүһүн үрдэтэргэ уонна бородууксуйа бэйэҕэ турар сыанатын чэпчэтэргэ анаммыт «төгүрүк остуоллар», тиэмэлэринэн сиэссийэлэр, уопут атастаһыыта ыытыллаллар.
Бүгүн күнүс олохтоох бириэмэнэн 13:00 (Москуба бириэмэтинэн сарсыарда 9:00) чаастан «Көдьүүстээх үүнүү: ситиһии аныгы стратегията» диэн тиэмэҕэ пленарнай мунньах буолуоҕа. Онно Арассыыйа Федерациятын тыатын хаһаайыстыбатын миниистирэ Оксана Лут Улахан агротехнологическай бырайыагы олоххо киллэрии хаамыытын уонна салаа көдьүүһүн үрдэтиигэ туһуламмыт ырычаахтар тустарынан дакылааты оҥоруоҕа.
Алтаай кыраайын губернатора Виктор Томенко, «В.В. Докучаев аатынан почва үнүстүүтэ» федеральнай чинчийэр киин дириэктэрин э.т. Даниил Козлов уо.д.а. тыл этиэхтэрэ. Онтон быһа биэриини саайтка көрүөххүтүн сөп диэн Тыа хаһаайыстыбатын уонна ас-үөл бэлиитикэтин министиэристибэтин МАХ национальнай мессенжерга чаата иһитиннэрэр.
Хаартыска: тустаах саайтан.
-
0
-
0
-
0
-
0
-
0
-
0
