– Бу өйөбүлгэ дойду үрдүнэн барыта холбоон, 10 мөлүйүөн оҕону иитэр дьиэ кэргэттэр, ыаллар хабыллыахтара, – диэтэ Бырабыыталыстыба Бэрэссэдээтэлэ Михаил Мишустин бэҕэһээ буолан ааспыт мунньахха.
Онон 2023 сыл тохсунньу 1 күнүттэн кыра дохуоттаах дьиэ кэргэттэргэ, ыалларга универсальнай босуобуйа киллэриллиэҕэ.
Универсальнай босуобуйаҕа билигин баар социльнай көмүскэл кэрискэлэрэ, ол иһигэр, саҥа төрөөбүт биитэр иитэ ылбыт оҕо 3 сааһын туолуор диэри, итиэннэ оҕо 3 сааһыттан 7-тигэр диэри, 8 сааһыттан 17 сааһыгар диэри көрүллэр өйөбүл көрүҥнэрэ түмүллүөхтэрэ.
Ону сэргэ бириэмэннэй буолуу бастакы ыйдарыттан учуокка турбут, намыһах дохуоттаах дьахталлар бу босуобуйаҕа эмиэ хапсыахтара.
Универсальнай босуобуйаны анатарга судаарыстыба өҥөтүн "Госуслуги" порталын, МФЦ биитэр Пенсионнай уонна социальнай страховка пуондатын нөҥүө сайабылыанньаны эрэ биэрэр ирдэнэр.
-
8
-
0
-
0
-
0
-
0
-
0
