Көҕүлээһин ааптардара арыгыны уонна итирдэр утахтары анал эбийиэктэринэн эрэ атыылыырга көҥүл биэрэргэ этии киллэрдилэр. Аһыы утах атыыта туһааннаах атыы-эргиэн сирдэринэг тэриллиэхтээх, ол эбэтэр киоскаҕа уонна балааккаҕа эргинии сокуонунан көҥүллэммэт буолуоҕа.
Сокуон барылын быһаарыытыгар суруллубутунан, уларытыы киирдэҕинэ нэһилиэнньэҕэ арыгыны иһиини аччатыыга тиэрдиэхтээх уонна онтон тахсар содуллар ахсаанын намыратыахтаах. Ону таһынан супермаркеттарынан арыгы атыытын тохтотуохтаах. Бу миэрэ үлэлээтэҕинэ, хонтуруоллуур уорганнар сокуоннайа суох оҥоһуллубут арыгыны булалларын уонна хонтуруоллуур үлэлэрин хаачыстыбатын үрдэтиэхтээх.
Судаарыстыба өттүттэн табах, о.д.а. никотиннаах табаардарга күүскэ ылсан, көдьүүстээхтик үлэлииллэр. Ол эрээри, арыгы атыытын бородууксуйатыгар итинник хааччахтааһын билигин даҕаны олоххо киирэ илик. Госдумаҕа сокуон барыла ылыллар түбэлтэтигэр, 2024 с. олунньу 1 күнүттэн күүһүгэр киириэҕэ.
Санатан эттэххэ, «Саха Өрөспүүбүлүкэтигэр арыгы бородууксуйатын розничнай атыытын бириэмэтин, усулуобуйатын уонна миэстэтин эбии хааччахтары олохтуур туһунан» 885-VI №-дээх 2013 сыл ахсынньы 5 күнүгэр ылыллыбыт, Саха Өрөспүүбүлүкэтин сокуонугар Ил Түмэн бастакы ааҕыыга уларытыылары сэтинньи 30 күнүгэр ылынан турар. Ону таһынан, «Этиловай испиири, арыгылаах уонна испиирдээх дородууксуйаны оҥорон таһаарыыны уонна туһаныыны судаарыстыба өттүттэн бэрээдэктиир уонна арыгылаах бородууксуйаны туттууну (иһиини) хааччахтыыр туһунан» 171-ФЗ №-дээх федеральнай сокуон 1995 с. сэтинньи 22 күнүгэр ылыныллыбыта.
-
0
-
0
-
0
-
0
-
0
-
0
