Дьокутааттар нэһилиэнньэ кирэдьиит хабалатыттан түргэнник босхолоноругар саҥа сокуон барылын бэлэмнээтилэр. Ол курдук, кирэдьиит ылааччы түргэнник иэһин төлүүр кыахтаныа, оттон кирэдьиит биэрээччи хас биирдии киһи страховка эбэһээтилистибэтиттэн акаастанар түгэнигэр, бырыһыан ыстаапкатын үрдэтэргэ көҥүл ылыаҕа. Маннык көннөрүүлэри сокуон барылын иккис ааҕыытыгар Госдумаҕа ахсынньы 7 күнүгэр көрүөхтэрэ.
Холобур, билигин кирэдьиит ылааччы төлөбүр болдьоҕун көтүтэр түгэнигэр, бастатан туран бырыһыан, салгыы пени, ол кэннэ ыстараап, оттон бүтэһигэр кирэдьиит сууматын төлүүр. Саҥа сокуон барылынан төлөбүр ирдэбилэ уларыйар, бастаан бырыһыан уонна кирэдьиит суумата хомуллар, оттон пени уонна ыстараап бүтэһик уочаратынан ылыллар. Оччотугар киһи кирэдьиитин устуоруйата алдьаммат.
Маны сэргэ эбии сокуон уларыйыыларынан, страховой усунуоһу төлүүргэ эбэтэр аккаастанарга кирэдьиит ылааччы бэйэтэ быһаарар буолуоҕа. Ол оннугар баан кирэдьиит бырыһыанын үрдэтэр кыахтанар.
-
0
-
0
-
0
-
0
-
0
-
0
