2023 сыл бастакы кыбартаалыгар нэһилиэньэ дьадайыытын араҥатын ахсаана 19,6 мөл. киһи эбит буоллаҕына, иккис кыбартаалга – 15,7 мөл. киһи, оттон үһүс кыбартаалга көрдөрүү намтаан 14,8 мөл. киһиэхэ тэҥнэстэ.
Холобур, 2022 с. тохсунньу-балаҕан ыйдарыгар көрдөрүү 17,2 мөлүйүөн киһи (11,8%) буоллаҕына, бу сыл ити кэмигэр 16 мөлүйүөн (11,1%) намтаабыт.
Санаттахха, Саха Өрөспүүбүлүкэтин Бырабыытылыстыбата 2024 сылга диэри дьадайыы таһымын түһэрэргэ 137 млрд. солк. ыытарга былааннабыта. Ол түмүгэр дьадаҥы дьон ахсаана икки төгүл кыччыахтаах.
Социальнай ыйытыктар көрдөрөллөрүнэн, дьадайыы биир сүрүн биричиинэтинэн күттүөннээх үлэ-хамнас суоҕа буолар. Онон дьону дьарыктаах оҥоруу өрөспүүбүлүкэ салалтатын үлэтин биир сүрүн соруга. Этэргэ дылы, киһиэхэ балык биэрдэххинэ кини биир күн тот буолуоҕа, оттон күөгү биэрдэххинэ, олоҕун устата өлүөр олоруоҕа. Билигин дьону дьарыктаах оҥоруу биир көдьүүстээх миэрэтинэн социальнай хантыраактары түһэрсии буолар. Ити курдук, дьону дьарыктаах, үлэлээх-хамнастаах оҥорон дьадайыы боппуруоһун көдьүүстээхтик быһаарыахха сөп.
-
0
-
0
-
0
-
0
-
0
-
0
