Маны таһынан үлэ төлөбүрүн кээмэйэ уларыйарын кытта, атын социальнай төлөбүрдэр эмиэ эбиллиэхтэрэ: быстах кэмҥэ үлэтэ суохтарга босуобуйалар, оҕо күүтэр уонна төрөөбүтүн кэннэ эдэр дьахталларга булгуччулаах социальнай төлөбүрдэр.
Итини кытта үлэлээбэт биэнсийэлээхтэр биэнсийэлэрэ 7,5% үрдүөҕэ. Оттон Саха Сиригэр оҕолоох ыаллары өйүүр эрэгийиэннээҕи социальнай төлөбүрдэр кээмэйдэрэ эмиэ үрдүөхтэрэ. Бу туһунан СӨ Үлэ уонна социальнай сайдыыга министиэристибэтэ иһитиннэрэр. Ол курдук, маннык төлөбүрдэр кээмэйдэрэ үрдүүр:
— «Сүүс сыл оҕолоро» хапытаал – 110 775 солкуобай;
— «Дьиэ кэргэн» өрөспүүбүлүкэтээҕи хапытаал (үһүс уонна онтон салгыы оҕо төрөөтөҕүнэ) — 300 000 солкуобай;
— бастакы оҕо төрөөтөҕүнэ көрүллэр төлөбүр – I зона – 55 694 солкуобай, II зона – 46 650 солкуобай;
— эдэр ыал бастакы оҕотугар – 8 605 солкоубай;
— ый аайы үһүс оҕоҕо көрүллэр төлөбүр – I зона – 27 847 солкуобай, II зона – 23 325 солкуобай;
— элбэх оҕолоох ыалга оскуолаҕа диэн көрүллэр төлөбүр – 4 302 солкуобай.
-
1
-
0
-
0
-
1
-
0
-
0
