Кини значоктары (фалеристика) уонна аккырыыккалары (филокартия) мунньааччы. Оҕо эрдэҕиттэн саамай сөбүлүүр бырааһынньыга — Саҥа дьыл. Ол иһин кини 1987 сыл үүнэр сылыттан саҕалаан, 33 сыл устата дьон-сэргэ, оҕо аймах барыта күүтэр абылаҥнаах Саҥа дьылбыт аккырыыккаларын мунньуунан дьарыктанар. Кэллиэксийэтигэр 4000-тан тахса аккырыыккалаах. Ону араас тиэмэлэринэн, худуоһунньуктарынан, сылларынан араартаан, анал альбомнарга уура сылдьар, Саҥа дьыл саҕана быыстапкаларга туруортуур. Саамай «кырдьаҕас» аккырыыккалара 1904-1917-с сыллардааҕылар. Үйэ анараа өттүгэр бэчээттэнэн тахсыбыт хаартыска аккырыыккалар кытта бааллар.
Онтон бу соторутааҕыта кэллиэксийэтин байытан, аны Саҥа дьыллааҕы значоктары уонна харыйа киэргэлин — урукку сэбиэскэй кэм саҕанааҕы оонньуурдары - мунньар буолбут. Бүгүн хаһыаппыт ааҕааччыларын болҕомтолоругар кини ураты кэллиэксийэтиттэн билиһиннэрэбит.
Эрэдээксийэ.
-
0
-
0
-
0
-
0
-
0
-
0
