Ил Түмэн дьиэтин 3 этээһигэр биллэр судаарыстыбаннай уонна уопсастыбаннай-бэлитиичэскэй диэйэтэл, III ыҥырыылаах Ил Түмэн бэрэссэдээтэлэ, III, IV ыҥырыылаах Ил Түмэн дьокутаата Ньургун Семенович Тимофеев төрөөбүтэ 60 сылыгар аналлаах худуоһунньук Сардаана Иванова быыстапкатын үөрүүлээх аһыллыыта буолла.
Худуоһунньук Ил Түмэн Бэрэссэдээтэлигэр Алексей Еремеевка бырайыагы тэрийиигэ өйөбүлүн иһин махталын биллэрдэ. Парламент аппараатын үлэһиттэригэр, Нам улууһун олохтоохторугар, Ньургун Семенович чугас дьонугар уонна бииргэ үлэлээбит доҕотторугар кини туһунан ахтыылары сүрэхтэригэр илдьэ сылдьалларыгар истиҥник махтанна.
Үөрүүлээх тэрээһини СӨ култууратын туйгуна, СӨ Ыччат бэлиитикэтин туйгуна, норуоттар икки ардыларынааҕы куонкурустар лауреата Николай Роббек уонна «Ай-Тал» бөлөх төрүттээччитэ Александр Спиридонов ырыа доҕуһуолунан киэргэттилэр.
-
0
-
0
-
0
-
0
-
0
-
0
