Быыстапкаҕа улууспут биллэр худуоһунньуктарын, маастардарын, И.Е. Винокуров аатынан Намнааҕы педколледж уонна Дьокуускайдааҕы художественнай училище выпускниктарын уопсайа 70-тан тахса айымньылара турдулар: Эдуард Васильев, Артур Васильев, Елизавета Третьякова, Федор Павлов, Николай Попов, Анна Зверева уо.д.а
Тэрээһиҥҥэ улуус баһылыгын солбуйааччы Е.А. Протопопов, СӨ худуоһунньуктарын союһун аатыттан Н.В. Николаева, СӨ национальнай художественнай музейын научнай сотрудниктара Г.А. Сафронова, Г.Г. Неустроева, АГУИККИ профессора З.И. Унарова кытыннылар.
Мааны түһүлгэҕэ кэрэни кэрэхсиир биир дойдулаахтарбыт тоҕуоруһа муһуннулар. Эҕэрдэ эриэккэһэ, үтүө-мааны тыл этилиннэ.
Улууспут олохтоохторун балаҕан ыйын 25 күнүгэр диэри Намнааҕы художественнай түмэлгэ Илья Егорович Винокуров аатын үйэтитэр, дириҥ ис хоһоонноох «Утро долины Энсиэли» быыстапкаҕа ыҥырабыт!
Сонун төрдө уонна хаартыска: "Эҥсиэли", Дарина Константинова
-
2
-
0
-
0
-
0
-
0
-
0
