Босхо сылдьарга аахсыйа РФ Дьиэ кэргэн уонна СӨ Оҕо саас сылыгар ананар уонна нэһилиэнньэҕэ устуоруйаны сырдатыыга, патриотическай иитиигэ, РФ уонна Саха Сирин устуоруйаларын эйгэтигэр билиини кэҥэтиигэ ананар. Арассыыйа Бэрэсидьиэнэ Владимир Путин этэринэн, дойду устуоруйата дьиэ кэргэнтэн, төрөөбүт нэһилиэктэн, бөһүөлэктэн, куораттан, эрэгийиэнтэн саҕаланыахтаах – хас биирдии киһи төрөөбүт-үөскээбит дойдутуттан, норуокка сыһыарыллыбытын өйдүүр кэмиттэн.
Ити курдук, оскуола саастаах оҕолор 2024 сыл устата хас биирдии ый үһүс өрөбүлүн ахсын түмэл экспозицияларыгар босхо сылдьыахтарын сөп: «Рюриковичтар», «Романовтар», «Арассыыйа — мин устуоруйам: 1945 — ХХІ үйэ», «Мин устуоруйам: ХХ үйэ 1914-1945: Улахан аймалҕантан Улуу Кыайыыга диэри».
- Бу дьиэ кэргэни кытта сынньалаҥ кэми сэргэхтик уонна туһалаахтык атаарарга кыах бэриллэр. Биһиги пааркабыт эйгэтэ билиини хаҥатарга, туох эрэ саҥаны, интэриэһинэйи билэргэ-көрөргө туһалыыр, – диэн «Арассыыйа - мин устуоруйам» историческай паарка дириэктэрэ Дмитрий Соловьев бэлиэтээтэ.
Санатан эттэххэ, Владимир Путин 2024 сылы Арассыыйаҕа Дьиэ кэргэн сылынан биллэрбитэ. Бу быһаарыы дьиэ кэргэн көмүскэлигэр судаарыстыбаннай бэлиитикэ суолтатын үрдэтиигэ, үгэскэ кубулуйбут устуоруйаҕа ыал буолуу уонна дьиэ кэргэн сыаннастарын харыстааһыҥҥа ананар.
-
0
-
0
-
0
-
0
-
0
-
0
