Издательский дом Редакция Подписка
Погода в Якутске: . -11 oC

 Дьахтар аймах истэр тухары: “Эр дьон, эһиги кустуургут ааттаах ороскуоттаах, оттон биһиги сир аһыгар барарбыт саараама туох да ночоото суох”, -- диэн бииргэм өҥнөнөллөр.

 Дьахтар аймах истэр тухары: “Эр дьон, эһиги кустуургут ааттаах ороскуоттаах, оттон биһиги сир аһыгар барарбыт саараама туох да ночоото суох”, -- диэн бииргэм өҥнөнөллөр.

Арай утарыта быраҕан көрдөххө, чахчы, оннук курдук. Биһиги ботуруоммут, ол-бу тэрилбит, таҥаспыт-саппыт, өйүөбүт-таймабыт дьиэ кэргэн үбүн бүддьүөтүгэр кырата суох охсор курдук буолан тахсар. Аны быйыл ботуруоммут балтараа, икки төгүл ыараата, эбиитин эрдэ кустуоххун баҕардаххына -- мэҥиэ куста атыылас.

Чэ, итинник ааҕан бара туруохха сөп. Оттон сир астыы барар дьахтарыҥ аҕыйах быһыы арыылаах килиэп, росалаах уу ылла да – ойууругар ойо турар. Уонна булан-талан аҕалара элбэҕин, сылы эргиччи хаһаастанабыт. Онон бу түгэҥҥэ дьиэ хаһаайкалара кыайар курдуктар.

ОЛ ЭРЭЭРИ!  Эр дьон барахсаттар кустаары атыыласпыт таҥастарын сылы эргиччи кэтэллэр, кинилэргэ саҥа үлэ таҥаһа ылар туһунан толкуй да суох буолар. Онон таҥас ылыы экэниэмийэтэ ити кэллэ. Кустаары ылбыт ботуруонун сылы эргиччи туһанар -- сайыҥҥы көччөххө, күһүҥҥү куска, куобахха, онон адьас эргиччи барыс.

Эр киһи барахсан санаата, майгыта көнөтүнэн, биир эрэ кыдьыгын -- сааскы куска тэриниитин -- сылы эргиччи саныыр, бэлэмнэнэр. Онтон атыҥҥа арылдьыйбат, ити “тренд”, бу “бренд” диэн хаһан да саҥаттан саҥаҕа көһөн испэт. Кыламан, хаас, тыҥырах, сирэй-харах, баттаах оҥотторон ороскуотурбат. Мэлдьи биир эрэ санаалаах -- сааскы кус булда уонна кыратык сири аһатыы.

Онон кырасаабыссалар, сылы эргиччи аахтахха, бэрт кыра ороскуоттаах эр дьоҥҥутун үөрэ-көтө тэрийэн, ас маанытын астаан, алҕаан, сотору сааскы кустарыгар ыытаарыҥ дуу.

Эр киһи барахсан, хайдаҕын да иһин, дьиэҕэ баара олус да бэрт буоллаҕа, этэргэ дылы, сыттыын-сымардыын Эр киһи аата Эр киһи. Булааччы-талааччы, дугда-хахха, эрэллээх эркин, тулҕадыйбат тулааһын.

Этэҥҥэ олоруҥ, сахам сайдам ыаллара барахсаттар!

  • 10
  • 2
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23