Диана Чомчоева: "Баарым эбитэ буоллар, итинник атаҕастатыам суоҕа этэ..."
Издательский дом Редакция Подписка
Погода в Якутске: . 24 oC

Анатолий Чомчоев кэргэнэ Диана Васильевна Чомчоева быһылаан туһунан санаатын үллэһиннэ.

Анатолий Чомчоев кэргэнэ Диана Васильевна Чомчоева быһылаан туһунан санаатын үллэһиннэ.

--Мин бу буолбут түбэлтэ күнүгэр суох этим, онтон кэмсинэбин. Баарым эбитэ буоллар, итинник атаҕастатыам суоҕа этэ. Сүүрбэччэ сыл тухары кинини туох баар кыахпынан харыстаан илдьэ кэллим. Тоҕо диэтэххэ, Чернобыль кэнниттэн доруобуйата олус айгыраабыта. Кинини эмтииргэ анаан саха ынаҕын иитэбит. Бу ынах үүтүн өрүү иһэрдэрбит, аһылыгын, усулуобуйатын кичэллээхтик көрөбүт.

Анатолий Игнатьевич дэҥҥэ көстөр ураты киһи буолар. Учуонайдар учуонайдара диэххэ сөп. Мин бэйэм наукалар хандьыдааттарабын даҕаны, кини таһымыгар тиийбэппин. Москубаҕа, Росатомҥа, Ростехха бу быһылаан туһунан билэллэр. “Бырайыактаабыт атомнай ыстаансыйатын туһунан долгуйбатын”, -- диэтилэр. Ити хайысханан үлэ бара турар эбит. Бэйэлэрэ сотору кэлиэх буоллулар. Маннык 15 кВт саҕалаан 1 МВт тиийэ кыамталаах атомнай мини-ыстаансыйалар дьоҥҥо олус туһалаах буолуохтара.

Иккис бырайыакпыт – саха ынаҕын үүтэ онкологияны эмтиирин чинчийии. Икки сыллааҕыта Эмиэрикэ уонна Кэриэй учуонайдара бу үлэни кэрэхсээн кэлээри гыммыттарын, пандемия харгыстаабыта.

Доруобуйата чөл хааларын туһугар айылҕаҕа олоробут. Билигин үтүөрүөр диэри саҥа холомо тутуохпун наада. Кини олордо да, суруйан барар идэлээх. Мин киниэхэ мэлдьи көмөлөһө сатыыбын. Кини: “Дьиэҕэ соҕотох хааларгын куттаныма, ойуурга киһиэхэ кутталлаах туох да суох”, -- диэччи. Оннук буолбатах эбит...

Биһиги сигнализация, видеокамера туруортараары гыммыппыт. Онтубут ынырык сыаналаах эбит. Хантан ону төлүөхпүтүй?

Ардыгар итирик булчуттар «ыалдьыттыы» кэлэллэр. Анатолий этэр этэ: “Диана, эн байыаннай кэргэнэҕин, онон куруук холку, тулуурдаах буолуохтааххын, итириктэри кытары холкутук кэпсэтиэхтээххин”.

 Бэйэтэ эмиэ итинник холку майгылаах. Ол күн мин суох этим. Илиибин эчэтэн, куоракка рентгеҥҥэ түһэ барбытым. Барыа суохтаах этим, ынахтарым сотору төрүүллэр дии. Инньэ гынан, ол аппарааппар тиийбэтим даҕаны, бу түбэлтэ туһунан истээт, кэргэммэр барбытым.

Барыта хаан буолан баран, өйүн сүтэрэ сыһа-сыһа, куоракка айаннаан кэлээхтээбит. Кини байыаннай быһыытынан арааһы барытын көрбүтэ. Чернобыльга саллаат бөҕөтүн быыһаабыта, билигин да быыһыыр. Оттон бу икки итирик модьу-таҕа киһи Анатолий Игнатьевичка илиилэрин көтөхпүттэрэ -- киһи өйүгэр баппат. Буруйдаах бандьыыттар накаастабылы ылыахтара диэн эрэнэбин. Саамай баҕарарым диэн – Анатолий Игнатьевич үтүөрдүн.

  • 0
  • 0
  • 1
  • 3
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Общество

Кыһыл тылгынан кыайбаккын

Саха кэнгириэһин бырабылыанньатын чилиэнэ Дьулустаан Осипов Кэнгириэскэ ыччаты тардыы, Ил…
29.06.22 20:12
Уопсастыба

Чахчы, Айыы аһа!

Быйыл 25-с төгүлүн ыһыллыбыт Туймаада ыһыаҕа Саха Өрөспүүбүлүкэтин 100, Дьокуускай куорат…
29.06.22 19:26