Кыайыы кынаттаахтар кэпсииллэр
Издательский дом Редакция Подписка
Погода в Якутске: . 11 oC

Арассыыйа хамаандата Мас-рестлинг аан дойдутааҕы IV чемпионатыгар чаҕылхайдык кыттан, уопсай түмүккэ бастаата. Сарсын Үс Хатыҥҥа  абсолютнайга 28 киһи (17 эр киһи, 11 дьахтар) кыттарга сайаапка биэрбит.

Арассыыйа хамаандата Мас-рестлинг аан дойдутааҕы IV чемпионатыгар чаҕылхайдык кыттан, уопсай түмүккэ бастаата. Сарсын Үс Хатыҥҥа  абсолютнайга 28 киһи (17 эр киһи, 11 дьахтар) кыттарга сайаапка биэрбит.

никаноров

Мэҥэ Хаҥаластан төрүттээх, 23 саастаах Валерий Никаноров 70 киилэ ыйааһыннаахтарга бастаата. Полуфиналга Кыргызстан ааттааҕа Элдос Айтбаевы тулуппатаҕа, оттон финалга Пакистантан сылдьар Али Ажартан маһын сулбу тардан ылбыта.

Аан дойду саҥа чемпиона Валера -- биллэр мадьыны, күрэхтэһиилэргэ судьуйалыыр Николай Антонович Никаноров төрөппүт уола. Быйыл кини Арассыыйа чемпионатыгар кыайан турар.

--Аан дойду чемпионата буоллаҕа дии, онон күрэстэһээччилэр бары да күүстээхтэр. Сүрүн киирсээччилэрбин полуфиналга кыайбытым, ол гынан баран, финалга да киһи мыыммат дьонун кытта тардыстым.

Көрөөччүлэргэ чугас дьонум, доҕотторум кэлэн олорор буолан, кинилэр өйөбүллэрэ күүс-көмө буолла.

Өрөспүүбүлүкэ таһыттан кэлбит ыалдьыттарбыт улаханнык эбиллибиттэр. Чуолаан Киргизия бөҕөстөрө күүһүрбүттэр.

саввин

Томпоттон төрүттээх, 27 саастаах спорт маастара, Саха Сирин, Арассыыйа, Аан дойду Кубогын, Европа чемпиона, үтүөлээх тренер Александр Харитоновка эрчиллэр Дмитрий Саввин 65 кг ыйааһыннаахтарга кылбардык кыайда.

-- Бүгүн мин олоҕум биир үтүө түгэнэ буолла. Бу кыайыыга өр сыралаһан тиийдим. 2014 сыллаахха буолбут Аан дойдутааҕы чемпионат кэнниттэн 8 сыл дьаныардаахтык бэлэмнэнэн, дьэ, бастакы буолары ситистим. Туох кистэлэ кэлиэй, ыйааһыным миэнэ кыра. Онон бэйэбинээҕэр бөҕө-таҕа  дьоннуун күрэхтэһэргэ ыарахан этэ.

Мас-рестлинг таһыма үрдээбит. Омук мадьыналара тардыһыы албаһын, ньымаларын, тиэхиньикэтин бэркэ баһылаабыттар.

черноградская 2

Алексей Агапов эрчийэр 31 саастаах Наталья Черноградская 55 киилэҕэ күүһүн-кыаҕын тургутан көрдө. Кини Манчаары оонньууларыттан саҕалаан, аан дойду чемпионатыгар тиийэ элбэх ситиһиилээҕин билэбит.

-- Кыайыам диэн эрэммитим эрээри, үһүстээн хааллым. Буолбут буоллаҕа дии. Бастакы эргиирбэр сүрүн күрэстэһээччибэр түбэстим. Кинилиин наар итинник 2/1 буолааччыбыт. Уонна бу диэн эттэххэ, уһуктубакка хааллым дуу, хайдах дуу... Бастакы киирсии хаһан баҕар дьарык курдук барааччы. Онтон иккискэ, үһүскэ киһи уһуктар. Инники былааным диэн, кэлэр аан дойдутааҕы күрэскэ күүскэ бэлэмнэниэм.

попов 3

Уус Алдан Сыырдааҕын 30 саастаах эр бэрдэ, норуоттар икки ардыларынааҕы спорт маастара, Арассыыйа 6 төгүллээх, Европа икки төгүллээх, аан дойду чемпиона Дмитрий Попов 105 кг ыйааһыннаахтарга бастаата. Кинини Петр Давыдов эрчийбитэ.

--Кыайыыбын чугас дьоммор, дойдубар аныыбын. Кинилэр миэхэ күүс-уох биэрэллэр. Таҥараҕа махтанабын! Тренерим Петр Николаевичтыын хайдах гынан кыайыахха сөбүн толкуйдаан, былааннаан эрчиллибиппит түмүгэ көһүннэ.

иванов

Буурҕалаах Булуҥ бухатыыра Станислав Иванов маннык улахан күрэхтэһиигэ бастакытын кыттаат, 80 кг ыйааһыннаахтарга иннин биэрбэккэ, кыһыл көмүс мэтээли хамаандатыгар аҕалла. 28 сааһыгар РФ спордун маастара. Павел Черноградскай эрчийэр. Саха Сирин, Арассыыйа, «Кубок Кавказа-2020», Аан дойду Кубогын, Европа чемпиона.

--Аан дойду Кубогун кэнниттэн реванш буолла --Оливер Курек диэн мадьыныны бу сырыыга кыайдым. Бүтүннүү үөрүү долгуна миигин кууһар. Арассыыйа чемпионатын кэнниттэн күүскэ бэлэмнэнэн саҕалаабыппыт. Бэйэҥ эркиннэриҥ көмөлөһөллөр эрээри, дьиэҕэр күрэхтэһэр наһаа эппиэтинэстээх -- дьонуҥ-сэргэҥ бары эрэли кытта көрө олорор буоллахтара дии. Ол иһин туох баар сатабылбын, кыахпын, күүспүн ууран туран тардыстым. Бары да тэҥ баайыылаахпыт, онон бу кыайыы миэхэ олус сыаналаах, сыранан кэллэ.

баишева

Аатырбыт мадьыны Анатолий Баишев төрөппүт кыыһа Татьяна Баишева 85 кг үөһэ ыйааһыннаахтарга күннээтэ. Аан дойду чемпиона Татьяна Григорь тус бэйэтинэн дьарыктыыр. Онон Амма кыыһа Татьяна 19 сааһыгар номнуо улахан ситиһиилэрдээх.

--Аҕам Анатолий Баишевка мин эрэннэрбитим – аан дойду чемпиона буолуом диэн. Ол тылбын толордум. 2015 сылтан бу сыалы ситиһэргэ үлэлэстим. Чемпионат тус бэйэбэр чэпчэкитик ааһан эрэр. Арай бастакы эргииргэ кыргыз кыыһын кытта син эрийсэн ыллым. Абсолютнайга кыайыы иһин туох баарбынан түһүнүөм.

сернюк

Эмиэ Татьяна Григорь иитиллээччитэ Ирина Севрюк 75 киилэлээхтэргэ кыайыы өрөгөйүн биллэ. Кини Томпо кыыһа. Аан дойду, Европа, Азия, Арассыыйа, Уһук Илин күрэхтэһиилэрин, Манчаары оонньууларын чемпиона.

--Хас биирдии күрэстэһээччибин убаастыыбын. Кинилэр кыахтара улаханын билинэбин. Тренерим Татьяна Григорь утумнаахтык бэлэмнээн, бу кыайыыны ситистим, ити иһин махтанабын. Өссө салгыы эрчиллэн, үс төгүллээх  чемпион буолары ситиһиэм.

колтибабчук

 Смоленской уобалас Вязьма куоратын бухатыыра Виктор Колибабчук -- чемпионат саамай биллэр мадьыныта. 125 кг үөһэ ыйааһыннаахтарга үһүс төгүлүн чемпион үрдүк аатын ылла. Тренерэ Александр Усов бу сыллар тухары кинини анаан эрчийэр.

--Үһүс төгүлбүн улахан ыйааһыннаахтарга чемпион буолар долгутуулаах. Эрчиллэргэ атын, күрэхтэһэргэ атын. Онон бачча улахан түһүлгэҕэ кыайар диэн дьол. Бу чемпионакка өр бэлэмнэммиппит.

Мас-реслердэргэ бу күрэхтэһии бырааһынньык тэҥэ. Ити иһин Мас-рестлинг аан дойдутааҕы федерациятыгар махтанабын. Бу көрүҥү киэҥ эйгэҕэ билиһиннэрэргэ өссө салгыы үлэлэһиэхпит. Олимпиада дьиссипилиинэтэ буоларын ситиһиэхпит.

чекрноградский

Саамай элбэх көмүс мэтээллээх, өрөспүүбүлүкэтээҕи күрэхтэртэн саҕалаан, аан дойду түһүлгэтигэр тиийэ кыайыылаах, норуоттар икки ардыларынааҕы кылаастаах спорт маастара Павел Черноградскай 90 кг ыйааһыннаахтарга төрдүс төгүлүн чемпион буолла. Кинини Н.Э.Константинов эрчийэр.

--Кыайбыппын билигин да өйдөөбөккө турабын. Күрэстэһээччилэр күүстээхтэрэ күрэхтэһиини тыҥааһыннаах, өссө интэриэһинэй оҥорон биэрэр. Бэлэмнэниим үчүгэй этэ. Эчэйии да баара. Уопсай таһым да үрдээбит. Кыргызстантан икки күүстээх утарылаһааччы баараБэйэҥ эркиниҥ көмөлөһөр, ыалдьааччыларга махтанабын.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиитикэ

Боччумнаах кэпсэтиилэр

Ил Дархан Айсен Николаев Арассыыйа Федерациятын Бырабыыталыстыбатын Бэрэссэдээтэлэ Михаил…
17.08.22 09:04
Уопсастыба

Өрөмүөн саҕаланна...

Атырдьах ыйын ортотуттан саҥа үөрэх дьылыгар, сайыҥҥы уоппуска кэнниттэн үлэҕэ тахсарга…
17.08.22 08:33