СӨ экологияҕа министиэристибэтин дьаһалынан, от ыйын саҕаланыытыттан дьэдэни Амма, Бүлүү, Таатта, Уус Алдан, Уус Маайа, Нам оройуоннарыгар хомуйар көҥүллэнэр. От ыйын ортотуттан -- Чурапчыга, Мэҥэ Хаҥаласка, Намҥа, Хаҥаласка.
Онон номнуо дьэдьэннээбит дьоннуун кэпсэттибит. Таатталар: “Дэлби аһыҥа ыһан, ардах суох буолан, хатан хаалбыт”, -- диэтилэр. Амма кыыһа: “Аһаҕас сиргэ кытарбыт. Син үүммүт курдук эрээри, наһаа бытархай. Тыа иһэ сиикэй. Аны уонча хонугунан үчүгэйдик ситииһик. Номнуо тэпсэн кэбиспиттэр”, -- диир. Чурапчы олохтооҕо уот солооһунугар тахсан үргээбит хаартыскатын көрөҕүт.
“Син үүммүт. Чаас иһигэр 300 лиитэрэлээх ыаҕыйабын толордум. Олох аһаҕас сиргэ хаппыт”, -- диир. Оттон хаптаҕас аҥаара күөҕүн бэлиэтиир.
Дьэ, онон бу ардахтар кэннэ саха дьоно барахсан, кыһыҥҥыга битэмиини хаһаана, сир аһыгар турунуохтара
- 0
- 0
- 0
- 0
- 0
- 0