--Биһиги эҥээр өрүс суох, кураайы сир. Ол иһин сир аһа наһаа оннук өлгөмнүк үүммэт эрээри, сыл аайы дьон бары тиксэр. 2006-2007 сылларга, солко өрөөччү үөн ыспытыгар, дьэдьэн дэлэйэ сылдьыбыта, биэдэрэнэн үргүүрбүт.
Быйыл бэс ыйыгар курааннаан, дьэдьэн да, хаптаҕас да хордьоҥ эбит. Төһө да бытархай буоллар, син баар, сүрэҕэлдьээбэккэ хомуйдахха, күҥҥэ 1 кг дьэдьэни уонна 8 кг хаптаҕаһы үргүөххэ сөп, -- диир Таатта улууһун Дьохсоҕонугар сир астыы сылдьар Елена Толстякова.
Манна даҕатан эттэххэ, былырыын Тааттаҕа 1 кг дьэдьэни 1000 солкуобайга атыылыыллара. Дьокуускайга Бааһынай ырыынагар 2000 солк. этэ. Хаптаҕаһы билигин 5 киилэтин 1500 атыылыы сылдьаллар .
- 0
- 0
- 0
- 0
- 1
- 0