Этнокултуурунай комплекс тутуута түмүктэннэ
Издательский дом Редакция Подписка
Погода в Якутске: . -2 oC

Таатта улууһугар этнокултуурунай комплекс тутуута түмүктэннэ.

Таатта улууһугар этнокултуурунай комплекс тутуута түмүктэннэ.

Мандар Уус олорор Таатта улууһун Баайаҕа бөһүөлэгэр этнокултуурунай комплекс тутулла турарын туһунан СМИ элбэхтэ сырдаппыта.

Бу күннэргэ тутуута бырайыактаммыт докумуоннарга сөп түбэһэрин туһунан түмүгү СӨ Судаарыстыбаннай тутууну уонна дьиэни-уоту хонтуруоллуур управлениета биэрдэ.

Эбийиэги «Уран» дизайн-устуудьуйа тутта. Бу тэрилтэни баайаҕалар бэйэлэрин уоллара, Олоҥхо ыһыаҕын Аал Луук мастарын оҥорорунан биллэр Вячеслав Яроев салайар. Онон дойдутугар эмиэ бэрт бэлэҕи оҥордо.  

Этнокултуурунай комплекска сиэр-туом, култуурунай уонна архитектурнай суолталаах 3 эбийиэк киирэр: «Моҕол ураһа» -- туос ураһа, «Уус түмэлэ» –тимир уустарын оҥоһуктарын мусуойа уонна саха балаҕана.

Тимир уус түмэлэ этээһэ суох  мас дьиэ, уопсай иэнэ 307,3 кв. м. Быыстапкалыыр 3 саалалаах, мусуой үлэһиттэригэр кэбиниэттэрдээх, гардеробтаах уонна тиэхэньиичэскэй хостордоох.

2 8

3 5

Балаҕан 149,0 кв.м иэннээх, сиэри-туому ыытарга аналлаах миэстэлээх, онно 10 киһи холкутук батар кыахтаах.

4 5

5 4

Оттон Моҕол ураһа эрдэ 2020 сыл балаҕан ыйыгар киирбитин бары билэҕит, аһыллыытыгар Ил Дархан салалталаах дэлэгээссийэ тиийэ сылдьыбыта.

могол урса

«Тутуу үлэтэ бүттэ. Бэрэбиэркэ түмүгэ тутуулар ирдэбилгэ эппиэтииллэрин көрдөрдө, сотору Борис Неустроев-Мандар Уус бырайыагынан тутуллубут комплекс  үлэҕэ киириэ», - диэтэ госстройжилнадзор салайааччыта Павел Аргунов эттэ.

  • 5
  • 0
  • 0
  • 0
  • 0
  • 1

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости