Куттал суох буолуутун Сэбиэтин мунньаҕар РФ генеральнай борукуруора Игорь Краснов быстах хомуур хайдах быһыылаахтык бара турарын туһунан дакылаатын истэн баран, Владимир Путин маннык сорудахтары биэрдэ:
-- Быстах хомуурга саппааска баар анал байыаннай бэлэмнээх, сулууспаны ааспыт, бойобуой уопуттаах гражданнар хабыллаллар, бу ирдэбил булгуччу тутуһуллуохтаах.
Билигин нэһилиэнньэттэн быстах хомуур тэрээһинин, хааччыйыы хаачыстыбатын, усулуобуйатын, о.д.а. боппуруостарга сыһыаннаах элбэх ыйытыы киирэр. Тахсыбыт алҕаһы барытын көннөрүҥ уонна аны хатылаамаҥ.
Мобилизацияҕа хабыллыа суохтаах киһи түбэспит хас биирдии түбэлтэтигэр болҕомтолоохтук сыһыаннаһыҥ, үчүгэйдик бэрэбиэркэлээҥ, итиэннэ сыыһа ыҥырыллыбыт дьону, холобур, элбэх оҕолоох ыаллар аҕаларын, арҕана ыарыһахтары, ыҥырыллар саастара тахсыбыт дьону, дьиэлэригэр төннөртөөҥ. Доброволецтарга бу эмиэ сыһыаннаах. Киритиэрийдэргэ эппиэттээбэт буоллаҕына, төттөрү ыытаҕыт.
Бу дьаһалы олоххо киллэриигэ эрэгийиэннэрдээҕи ыҥырар хамыыһыйаларга прокуратура сыһыарылынна.
- 4
- 0
- 0
- 0
- 0
- 1