Бу туһунан алтынньы 12 күнүгэр брифиҥҥэ Бырабыыталыстыба бэрэссэдээтэлин солбуйааччы Ольга Балабкина иһитиннэрдэ.
– Төлөбүрдэр бастакынан Алдан, Мииринэй, Нерюнгри оройуоннарыгар уонна Дьокуускай куоракка оҥоһулуннулар, – диэтэ Ольга Балабкина.
Маны таһынан Ил Дархан ыйааҕынан, байыаннай сулууспалаахтар оҕолорун оскуола остолобуойугар босхо аһатыы саҕаланна.
–Байыаннай сулууспалаахтар оҕолорун босхо аһаппат оскуола баар буоллаҕына, оннук оскуола дириэктэрэ эппиэккэ тардыллар. Оннук түбэлтэ тахсыбыт буоллаҕына, Үөрэх уонна наука министиэристибэтигэр биллэрэргэ көрдөһөбүт, – диэтэ вице-премьер.
Быстах хомуур кэмигэр байыаннай сулууспаҕа ыҥырыллыбыт, 2022 сыл олунньу 24 күнүттэн анал байыаннай эпэрээссийэҕэ баҕа өттүнэн биитэр хантараагынан кыттар уонна кыттыбыт байыаннай сулууспалаахтар дьиэ кэргэттэрэ тустаах сайабылыанньаны «Мин докумуоннарым» (МФЦ) киин бары офистарыгар туттараллар, итиэннэ судаарыстыбаннай уонна муниципальнай өҥөлөр e-yakutia.ru. порталын нөҥүө биэрэллэр.
-
0
-
0
-
0
-
0
-
0
-
1
