Биһиги өрөспүүбүлүкэбит СВО саҕаланыаҕыттан гуманитарнай уонна тэхиньиичэскэй көмөнү тиһигин быспакка оҥорор. Байыастарга дойдуттан, төрөөбүт улуустан көмө олус күндү. Ааспыт ыйга улуус баһылыга Дмитрий Тихонов салайааччылаах Мэҥэ Хаҥалас дэлэгээссийэтэ биир дойдулаахтарыгар харыстабыл тэриллэрин таһынан биир туонна кэриҥэ ыйааһыннаах автотиэхиньикэни уонна бородууктаны илдьэн туттарда. Уолаттар барахсаттар дойдуларыттан тиийбит сибиэһэй эккэ, балыкка хайдахтаах үөрбүттэрин көрбүккүт буоллар!
Бу көмөнү тиэрдэргэ көмөлөспүттэрин иһин махтанабыт: «Саха Сирэ эйигин кытары» уопсастыбаннай хамсааһыны салайар Айыл Дьулурҕаҕа, «Якутия» авиахампаанньаҕа (ген. дириэктэр Андрей Винокуров, таһаҕаһы уонна буостаны таһыы менеджерэ Лена Фролова), аан дойду таһымнаах Дьокуускайдааҕы аэропортка (ген. дириэктэр Сергей Игнатенко, таһаҕас терминалын начальнига Татьяна Квач). Ил Дархан Айсен Николаев күүстээх өйөбүлэ биһигини мэлдьи кынаттыыр.
-
1
-
0
-
0
-
0
-
0
-
0
